(vovworld) – ວັນທີ 16/5, ຢູ່ນະຄອນ ຂາງເຈົາ ແຂວງເຈືອຈຽງ ປະເທດຈີນ, ຈີນ ແລະ ຍີ່ປຸ່ນ ໄດ້ດຳເນີນຮອບທາບທາມຄວາມເຫັນຂັ້ນສູງຄັ້ງທຳອິດກ່ຽວກັບບັນດາບັນຫາທະເລ. ກະຊວງການຕ່າງປະເທດ ຈີນ ໄດ້ອອກແຈ້ງການໂດຍໃຫ້ຮູ້ວ່າ: ບັນດາເຈົ້າໜ້າທີ່ການຕ່າງປະເທດ ແລະ ປ້ອງກັນປະເທດ, ບັນດາອົງການຮັບຜິດຊອບບັນດາບັນຫາທະເລ ແລະ ບັນດາອົງການທີ່ກ່ຽວຂ້ອງຂອງ 2 ປະເທດໄດ້ເຂົ້າຮ່ວມຮອບເຈລະຈາທຳອິດທີ່ແກ່ຍາວເປັນເວລາ ໜຶ່ງວັນນີ້. ຈີນ ແລະ ຍີ່ປຸ່ນ ໄດ້ເຫັນດີເປັນເອກະສັນນຳໃຊ້ກົນໄກທາບທາມຄວາມເຫັນຂັ້ນສູງດັ່ງກ່າວ ຄືພື້ນຖານໃຫ້ແກ່ການເພີ່ມທະວີການແລກປ່ຽນຂໍ້ມູນຂ່າວກ່ຽວກັບບັນດາບັນຫາທະເລ, ປັບປຸງຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ຊຸກຍູ້ການຮ່ວມມືແທດຈິງ, ແກ້ໄຂບັນດາການປະທະກັນ ແລະ ບັນດາບັນຫາທີ່ກ່ຽວຂ້ອງຢ່າງເໝາະສົມ. ຈີນ ແລະ ຍີ່ປຸ່ນ ກໍເຫັນດີເປັນເອກະສັນດຳເນີນຮອບທາບທາມຄວາມເຫັນຂັ້ນສູງຄັ້ງທີ 2 ກ່ຽວກັບບັນດາບັນຫາທະເລຢູ່ ຍີ່ປຸ່ນໃນທ້າຍປີນີ້.