ຈີນ ໃຫ້ຂ່າວກ່ຽວກັບ ແຜນທີ່ ສະໄໝລາ ຊະວົງສິ່ງ ບໍ່ມີເຂດ ໝູ່ເກາະຮ່ວາງຊາ
( vovworld ) – ໃນຊຸມມື້ຜ່ານມາ, ຫາງສຽງຈີນ ມີຄວາມສົນໃຈຕິດຕາມກວດກາເລື່ອງຫວຽດນາມ ປະກາດແຜນທີ່ບູຮານພິສູດອະທິປະໄຕຂອງຫວຽດນາມ ທີ່ມີຕໍ່ເຂດໝູ່ເກາະຮ່ວາງຊາ. ບັດດາອົງການສື່ມວນຊົນໃຫ່ຍຂອງຈີນຄື: Sina, Ifeng, Stockstar ໄດ້ໃຫ້ຂ່າວກ່ຽວກັບເລື່ອງຫວຽດນາມ ຊອກເຫັນແຜນທີ່ສະໄໝລາສະວົງສິ່ງ ຂອງຈີນ, ພິສູດໃຫ້ເຫັນວ່າເຂດໝູ່ເກາະເຈື່ອງຊາ ແລະ ຮ່ວາງຊາ ແມ່ນຂອງຫວຽດນາມ. ໜັງສືພິມສະບັບອື່ນໆຂອງຈີນ ກໍ່ໄດ້ລົງພິມຂ່າວດັ່ງກ່າວເຊັ່ນດຽວກັນ. ລາຍການຂ່າວຂອງວິທະຍຸ Ifeng ໄດ້ຖ່າຍທຳພິທີມອບຮັບແຜນທີ່ບູຮານ ”ພູມີປະເທດທັງໝົດ“ ໂດຍສະໄໝລາສະວົງສິ່ງ ປະເທດຈີນ ພິມຈຳໜ່າຍເມື່ອປີ 1904 ຊື່ງທ່ານດຣ Mai Ngoc Hong ໄດ້ມອບໃຫ້ຫໍພິພິຕະພັນປະຫັວດສາດແຫ່ງຊາດຫວຽດນາມ ຫວ່າງແລ້ວນີ້. Ifeng ໄດ້ຄັດສະເໜີຄຳເວົ້າຂອງທ່ານດຣ Mai Ngoc Hong, ຜູ້ອຳນວຍການສູນຄົ້ນຄ້ວາ ແລະ ນຳໃຊ້ເອກະສານປະຫວັດສາດເດີມຫວຽດນາມ ກ່ຽວກັບຄຸນຄ່າດ້ານປະຫວັດສາດ ແລະ ເນື້ອໃນທີ່ບໍ່ອາດໂຕ້ຖຽງໄດ້ກັນຂອງແຜນທີ່ໂດຍຈີນ ປະຕິບັດເອງ. ໜັງສືພິມ Sina, Stockstar ໄດ້ຊີ້ແຈ້ງວ່າ: ແຜນທີ່ສະບັບນີ້ໄດ້ກຳນົດວ່າເກາະໄຮ່ໜານ ແມ່ນຕອນໃຕ້ສຸດຜືນແຜ່ນດິນຂອງຈີນ, ໝາຍຄວາມວ່າ ບັນດາເຂດໝູ່ເກາະຢູ່ທະເລຕາເວັນອອກຄືຮ່ວາງຊາ ແລະ ເຈື່ອງຊາ ແມ່ນນອນຢູ່ນອກເຂດດິນແດນຂອງຈີນ. ໃນເວລາພຽງ 2 ວັນໄດ້ອອກຂ່າວກ່ຽວກັບແຜນທີ່ສະບັບນີ້, ບັນດາເທບບັນທຶກພາບກ່ຽວກັບຫົວເລື່ອງດັ່ງກ່າວຂອງ Sina ແລະ Ifeng ຢູ່ເວັບໄຊໄດ້ດຶງດູດການເຂົ້າຊົມຂອງເກືອບ 500.000 ຄົນ, ສ່ວນລາຍການຂ່າວນຳສະເໜີທາງໂທລະພາບ ແລະ ສື່ມວນຊື່ນອື່ນໆ ກໍ່ໄດ້ດຶງດູດການເຂົ້າຮ່ວມຂອງຜູ້ຊົມເປັນຈຳນວນຫຼວງຫຼາຍ. ນີ້ແມ່ນເຫດການທີ່ໜ້າສົນໃຈ ໃນສະພາບການທີ່ການພິພາດກັນບົນທະເລຂອງຈີນ ກັບ ບັນດາປະເທດໃກ້ຄຽງນັບມື້ນັບເຄັ່ງຮ້ອນຂຶ້ນຕື່ມ. ຕາມບັນດານັກໄຈ້ແຍກແລ້ວ, ເລື່ອງສື່ມວນຊົນຈີນ ໃຫ້ຂ່າວກ່ຽວກັບແຜນທີ່ຂອງສະໄໝລາສະວົງສິ່ງ ບໍ່ມີເຂດໝູ່ເກາະເຈື່ອງຊາ ແລະ ຮ່ວາງຊາ ອາດຈະປ່ຽນແປງທັດສະນະຂອງປະຊາຊົນຈີນ ສ່ວນຫຼາຍ ຊື່ງແມ່ນຜູ້ທີ່ເຄີຍຫຼົງໄຫຼກັບຂໍ້ອ້າງອີງທີ່ໄຮ້ເຫດຜົນກ່ຽວກັບ “ເສັ້ນລີ້ນງົວ“ ໃນເຂດທະເລຕາເວັນອອກ.