ຈີນຂຸດຄົ້ນແຫ່ງທ່ອງທ່ຽວຢູ່ໝູ່ເກາະຮ່ວາງຊາແມ່ນລະເມີດອະທິປະໄຕຂອງຫວຽດນາມ
ເກາະ ຟານວີງ ຂຶ້ນກັບເມືອງເກາະ ເຈື່ອງຊາ ຂອງ ຫວຽດນາມ
(ພາບ: Quý Trung/TTXVN)
(vovworld) – ວັນທີ 4/9/2014, ເມື່ອຕອບຄຳຖາມຂອງນັກຂ່າວສະເໜີໃຫ້ຮູ້ປະຕິກິລິຍາຂອງ ຫວຽດນາມ ຕໍ່ກັບເລື່ອງ ຈີນ ເປີດສະຫຼອງລາຍການທ່ອງທ່ຽວທະເລ ເລີ່ມເດີນທາງຈາກນະຄອນ ຊານເຢ (ຂຶ້ນກັບແຂວງ ໄຮໜານ) ເຖິງໝູ່ເກາະ ຮ່ວາງຊາຂອງ ຫວຽດນາມ, ໂຄສົກກະຊວງການຕ່າງປະເທດຂອງ ຫວຽດນາມ ເລຫາຍບິ່ງ ຊີ້ແຈ້ງວ່າ: “ຫວຽດນາມ ມີອະທິປະໄຕບໍ່ສາມາດປະຕິເສດໄດ້ກັນສຳລັບໝູ່ເກາະ ຮ່ວາງຊາ. ເລື່ອງ ຈີນ ໄດ້ຂຸດຄົ້ນແຫ່ງທ່ອງທ່ຽວຢູ່ພາກພື້ນນີ້ແມ່ນລະເມີດອະທິປະໄຕຂອງ ຫວຽດນາມ ຢ່າງຮ້າຍແຮງ, ບໍ່ສອດຄ່ອງກັບຂໍ້ຕົກລົງກ່ຽວກັບບັນດາຫຼັກຖານພື້ນຖານຊີ້ນຳແກ້ໄຂບັນຫາຢູ່ທະເລ ຫວຽດນາມ - ຈີນ ກໍ່ຄືເນື້ອໃນຈິດໃຈຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ເຮັດໃຫ້ສະພາບຢູ່ທະເລຕາເວັນອອກ ແລະ ພາກພື້ນສັບສົນຂຶ້ນຕື່ມ. ຫວຽດນາມ ຮຽກຮ້ອງໃຫ້ ຈີນ ຢຸດຕິບັນດາການກະທຳຜິດພາດນີ້ໃນທັນທີ.”