ຈີນຕັ້ງໃຈບິດເບືອນການກະທຳທີ່ຜິດພາດຢູ່ທະເລຕາເວັນອອກ
ກຳປັ່ນຈີນ(ລຳໃຫຍ່) ບຸກໂຈມຕີກຳປັ່ນຫວຽດນາມ
ພາບ:baomoi.com
|
(vovworld)- ຫາງສຽງສາກົນນັບມື້ນັບເຂົ້າໃຈເນື້ອແທ້ທີ່ຜິດພາດ ແລະ ອອກສຽງຕຳນິຕິຕຽນການກະທຳເກາະຜິດຂອງຈີນ ຢູ່ ທະເລຕາເວັນອອກ, ເຮັດໃຫ້ປະເທດນີ້ ຕ້ອງຊອກວິທີເພື່ອບິດເບືອນຄວາມຈິງຕໍ່ຫາງສຽງ. ວັນທີ 8/6, ກະຊວງການຕ່າງປະເທດຈີນ ປະກາດເອກະສານອະທິບາຍໃຫ້ການທວງເອົາ“ອະທິປະໄຕ” ຂອງປະເທດນີ້ ສຳລັບ ໝູ່ເກາະຮ່ວາງຊາ, ແກ້ຄວາມໃຫ້ແກ່ການເຄື່ອນໄຫວຢ່າງຜິດກົດໝາຍຂອງຕົນທີ່ຕັ້ງຮ້ານເຈາະນ້ຳມັນໄຮ່ຢາງຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ. ເຖິງຢ່າງໃດກໍຕາມ, ຄືກ່ອນນີ້ ເອກະສານສະບັບນີ້ ສືບຕໍ່ເສກສັນປັ້ນແຕ່ງປະຫວັດສາດ ເພື່ອລອກລວງຫາງສຽງ. ເອກະສານດັ່ງກ່າວແມ່ນອອກໃນຫນ້າເວັບຂອງກະຊວງການຕ່າງປະເທດຈີນ ແລະ ຜ່ານພາຫະນະສື່ມວນຊົນອື່ນໆຈີນ.
ນອກຈາກຍົກອອກຂໍ້ອ້າງທີ່ຜິດພາດ, ຂາດຄວາມເກ້ຍກ່ອມ, ເອກະສານສະບັບດັ່ງກ່າວ ຍັງແກ້ຄວາມໃຫ້ການກະທຳຢ່າງຜິດກົດໝາຍຂອງຕົນຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ, ເສກສັນປັ້ນແຕ່ງ, ກ່າວຕູຫາ ກຳປັ່ນຫວຽດນາມ ກໍ່ຄວາມວຸນວາຍກຳປັ່ນຂອງຈີນ 1416 ຄັ້ງ. ເອກະສານດັ່ງກ່າວບໍ່ເຕື້ອງເຖິງການກະທຳໄຮ້ມະນຸດສະທຳຂອງຝ່າຍຈີນ ເມື່ອບັນຊາກຳປັ່ນຂອງຈີນຕຳໃສ່ກຳປັ່ນຫາປາຂອງຫວຽດນາມ ຈົມນ້ຳ ໂດຍບໍ່ມີການກູ້ຊ່ວຍຊາວປະມົງຫວຽດນາມຜູ້ທີ່ຖືກເຄາະຮ້າຍຈາກການກະທຳຂອງຝ່າຍຈີນ.