ສະພາບການຢູ່ທະເລຕາເວັນອອກ
ພາບ:tinmoi.vn
|
(vovworld)-ໃນບົດຂຽນທີ່ອອກໃນຫນ້າເວັບ Chinausfocus.com ເມື່ອວັນທີ 30/6, ສາດສະດາຈານ Carlyle Thayer, ຜູ້ຊ່ຽວຊານຄົ້ນຄວ້າກ່ຽວກັບອາຊີຕາເວັນອອກສ່ຽງໃຕ້ ຢູ່ ມະຫາວິທະຍາໄລ New South Wales ປະເທດອົດສະຕາລີ ໄດ້ໄຈ້ແຍກ ເລື່ອງຈີນຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ ໄດ້ຕັ້ງຄຳຖາມຢ່າງເຂັ້ມງວດກ່ຽວກັບຄວາມໄວ້ເນື້ອເຊື່ອໃຈໃນການພົວພັນຂອງຈີນກັບບັນດາປະເທດບ້ານໃກ້ເຮືອນຄຽງ. ຕາມສາດສະດາຈານ Carlyle Thayer ແລ້ວ, ຂໍ້ຕົກລົງຂອງປັກກີງ ໄດ້ສ້າງຄວາມແປກປະຫລາດກ່ຽວກັບການກະຫາຍສົງຄາມ ແລະ ໄຮ້ເຫດຜົນ, ທຳລາຍບັນດາຄວາມມານະພະຍາຍາມສ້າງຄວາມໄວ້ເນື້ອເຊື່ອໃຈຍຸດທະສາດລະຫວ່າງ ຈີນ ກັບບັນດາປະເທດ. ສິ່ງທີ່ແປກປະຫລາດນັ້ນ ຍ້ອນວ່າ ຫວຽດນາມບໍ່ມີການກະທຳໃດທີ່ອາດຈະຖືວ່າແມ່ນການເກາະຜິດເພື່ອໃຫ້ຈີນອ້າງອີງອະທິບາຍໃຫ້ການກະທຳທີ່ຜິດພາດຂອງຕົນ. ຍີ່ງກວ່ານັ້ນ ກ່ອນນັ້ນ ຈີນບັນລຸໄດ້ບັນດາຂໍ້ຕົກລົງຂັ້ນສູງກັບຫວຽດນາມ ກ່ຽວກັບວິທີການ, ກົນໄກແກ້ໄຂບັນດາຄວາມຂັດແຍ້ງກັນບົນທະເລ, ຊື່ງໄດ້ຮັບຖືວ່າແມ່ນບັນຫາສັບສົນທີ່ສຸດໃນການພົວພັນສອງຝ່າຍ.
ການກະທຳນັ້ນແມ່ນກະຫາຍສົງຄາມ, ເພາະວ່າ ນີ້ເປັນຄັ້ງທຳອິດເຊິ່ງຈີນຕັ້ງຮ້ານເຈາະນ້ຳມັນຢູ່ເຂດເສດຖະກິດຈຳເພາະຂອງປະເທດອື່ນ. ອັນຕະລາຍກວ່າ, ປັກກີງ ຍັງລະດົມກຳປັ່ນຮົບ, ກຳປັ່ນຫາປາ, ເຮືອບິນການທະຫານ..ຫລາຍລຳເພື່ອປົກປ້ອງຮ້ານເຈາະນ້ຳມັນ ສະເລ່ຍປະມານ 100 ລຳ/ມື້. ເມື່ອຫວຽດນາມ ສົ່ງກຳປັ່ນຕຳຫລວດທະເລ, ກຳປັ່ນກວດກາການປະມົງມາປະຕິບັດກົດໝາຍບົນທະເລ, ຈີນໄດ້ນຳໃຊ້ກຳປັ່ນເພ່ືອສີດນ້ຳຂະຫນາດໃຫຍ່ຢ່າງຮ້າຍແຮງໃສ່ກຳປັ່ນຫວຽດນາມ. ບົດຂຽນໄດ້ຢືນຢັນວ່າ: ບໍ່ທັນເວົ້າເຖິງບັນດາຖະແຫລງທວງເອົາອະທິປະໄຕ, ອຳນາດສານຂອງຈີນ, ສະເພາະເລື່ອງປັກກີງ ທວງເອົາອະທິປະໄຕຕາມແຜນການທີ່ໄດ້ສ້າງຂຶ້ນກ່ອນນັ້ນແມ່ນສະແດງໃຫ້ເຫັນເນື້ອແທ້ຂອງບັນຫາ.