ຈີນບໍ່ມີຫຼັກຖານພຽງພໍເພື່ອແກ້ຄວາມໃຫ້ແກ່ການເຄື່ອນໄຫວຂອງຮ້ານເຈາະນ້ຳມັນ ໄຮຢາງ 981
ຈີນໄດ້ໃຊ້ກຳປັ່ນລັດຖະການຕຳໃສ່ກຳປັ່ນຂອງຫວຽດນາມ
|
(vovworld)- ຕອນບ່າຍວັນທີ 8/5, ກະຊວງການຕ່າງປະເທດຈີນໄດ້ຈັດການປະຊຸມຂ່າວແນໃສ່ແກ້ຄວາມໃຫ້ແກ່ເລື່ອງຕັ້ງຮ້ານເຈາະນ້ຳມັນ ໄຮຢາງ 981 ເຄື່ອນໄຫວໃນເຂດນານທະເລທີ່ຂຶ້ນກັບອະທິປະໄຕຂອງຫວຽດນາມ. ທີ່ການປະຊຸມ, ຈີນສືບຕໍ່ກ່່າວຢ້ຳຄືນກ່ຽວກັບຫຼັກໝັ້ນຂອງອັນທີ່ເອີ້ນວ່າ “ອະທິປະໄຕ”ຂອງປະເທດນີ້ຢູ່ເຂດທະເລຕາເວັນອອກ, ພ້ອມທັງຕັ້ງໃຈຕູ່ຫາ, ຖິ້ມໂທດໃສ່ຫວຽດນາມ. ແຕ່ຝ່າຍຈີນ ບໍ່ສາມາດຍົກອອກຫຼັກຖານໃດໆ ທີ່ພິສູດ ໃຫ້ແກ່ການຕຳໜິຕິຕຽນຂອງປະເທດນີ້ກ່ຽວກັບເລື່ອງ ກຳປັ່ນຫວຽດນາມກໍ່ກວນກຳປັ່ນຈີນ.
ຕາມນັກຂ່າວ VOV ປະຈຳຈີນ ທີ່ເຂົ້າຮ່ວມການປະຊຸມຂ່າວແລ້ວ, ຜູ້ຕາງໜ້າບໍລິສັດໃຫຍ່ນ້ຳມັນອາຍແກັສໄຮຢາງຂອງຈີນ ບໍ່ສາມາດອະທິບາຍວ່າ ເປັນຫຍັງປະເທດນີ້ຕ້ອງຈັດສົ່ງກຳປັ່ນກວ່າ 80 ລຳເພື່ອປ້ອງກັນຮ້ານເຈາະນ້ຳມັນ, ໃນຂະນະທີ່ຕາມທຳມະດາແລ້ວ ແມ່ນຕ້ອງການມີກຳປັ່ນພຽງ 3 - 4 ລຳເທົ່ານັ້ນ. ຕໍ່ໜ້າຄຳຖາມກ່ຽວກັບເລື່ອງກຳລັງທີ່ມີໜ້າທີ່ຂອງປະເທດນີ້ ສີດນ້ຳ ແລະ ໃຊ້ກຳປັ່ນລັດຖະການຕຳໃສ່ກຳປັ່ນຂອງຫວຽດນາມຫຼາຍຄັ້ງນັ້ນ ແມ່ນການກະທຳຂົ່ມເຫັງຢ່າງບັງອາດຫຼືບໍ່ ແລະ ຝ່າຍຈີນໄດ້ຈັດສົ່ງກຳປັ່ນທັງໝົດຈັກລຳໄປຍັງບໍລິເວນຮ້ານເຈາະນ້ຳມັນ ໄຮຢາງ 981, ໃນນັ້ນມີກຳປັ່ນທະຫານຈັກລຳ ? ຜູ້ຕາງໜ້າກະຊວງການຕ່າງປະເທດຈີນ ໄດ້ຕັ້ງໃຈບໍ່ໃຫ້ຄຳຕອບ.