ຈີນພວມທຳລາຍອິດທິພົນຊື່ສຽງສາກົນຂອງຕົນເອງຍ້ອນການກະທຳຜິດຢູ່ທະເລ
ພາບປະກອບ
(vovworld) – ວັນທີ 25/6, ຜູ້ຊ່ວຍວຽກລັດຖະມົນຕີກະຊວງການຕ່າງປະເທດ ອາເມລິກາ ຮັບຜິດຊອບພາກພື້ນ ອາຊີຕາເວັນອອກ Daniel Russel ຖືວ່າ: ບັນດາການກະທຳມີລັກສະນະບີບບັງຄັບຂອງ ຈີນ ຢູ່ເຂດທະເລຕ່າງໆ ບໍ່ພຽງແຕ່ເຮັດໃຫ້ຄວາມເຄັ່ງຕຶງເພີ່ມທະວີຂຶ້ນເທົ່ານັ້ນ ຫາກຍັງທຳລາຍອິດທິພົນຊື່ສຽງຂອງປະເທດນີ້ເອງ ບົນເວທີສາກົນອີກດ້ວຍ.
ກ່າວຄຳເຫັນທີ່ວາລະອະພິປາຍຕໍ່ໜ້າສະພາແຫ່ງຊາດ, ທ່ານ Russel ຕຳໜິຕິຕຽນບັນດາການກະທຳໃນມໍ່ໆມານີ້ຂອງ ຈີນຢູ່ທະເລຮວາຕູງ ແລະ ທະເລຕາເວັນອອກ ອັນໄດ້ເຮັດໃຫ້ບັນດາປະເທດບ້ານໃກ້ເຮືອນຄຽງຂອງ ບັກກິ່ງ ມີຄວາມວິຕົກວັງວົນ. ຕາມທ່ານແລ້ວ, ເລື່ອງຈີນ ຜັນຂະຫຍາຍບັນດາຮ້ານເຈາະນ້ຳມັນໃນເຂດເສດຖະກິດຈຳເພາະຂອງ ຫວຽດນາມ ຢູ່ທະເລຕາເວັນອອກ, ຄວາມຂັດແຍ້ງຜືນແຜ່ນດິນກັບບັນດາປະເທດພັນທະມິດຂອງ ອາເມລິກາ ຄື: ຟິລິບປິນ ແລະ ຍີ່ປຸ່ນ ປິນຂັ້ນໄດໄດ້ເຮັດໃຫ້ປະຊາຄົມໂລກມີຄວາມວິຕົກວັງວົນກ່ຽວກັບໄພເກີດການປະທະກັນດ້ານການທະຫານ, ສົ່ງຜົນສະທ້ອນຢ່າງຫຍໍ້ທໍ້ເຖິງການພັດທະນາຂອງບັນດາພື້ນຖານເສດຖະກິດໃນພາກພື້ນ.