(ພາບປະກອບ)
(vovworld) – ວັນທີ 1/11, ທ່ານນາຍົກລັດຖະມົນຕີ ຍີ່ປຸ່ນ Shinzo Abe ມີການພົບປະກັບຄູ່ຕຳແໜ່ງ ຈີນ ຫຼີເຄີຊຽນ ຢູ່ນອກກອງປະຊຸມສຸດຍອດ ສ.ເກົາຫຼີ - ຈີນ - ຍີ່ປຸ່ນ ຢູ່ນະຄອນຫລວງ Seoul ສ.ເກົາຫຼີ. ທີ່ການພົບປະ, ທ່ານນາຍົກລັດຖະມົນຕີ ຈີນ ຫຼີເຄີຊຽນ ຊີ້ແຈ້ງວ່າ: 2 ປະເທດຕ້ອງແກ້ໄຂບັນດາບັນຫາສະດຸ້ງໄວໃນການພົວພັນດ້ານການເມືອງ 2 ຝ່າຍ ໂດຍອີງໃສ່ຈິດໃຈແກ້ໄຂຢ່າງກົງໄປກົງມາກັບປະຫວັດສາດ ແລະ ຖືປະຫວັດສາດເປັນແວ່ນແຍງ, ພ້ອມກັນນັ້ນ ກໍ່ຮັບປະກັນຢ່າງແນ່ນອນກ່ຽວກັບການພົວພັນຍຸດທະສາດ 2 ຝ່າຍໃຫ້ພັດທະນາຮອບດ້ານເພື່ອຮັບໃຊ້ຜົນປະໂຫຍດລວມ. ສ່ວນທ່ານ ນາຍົກລັດຖະມົນຕີ ຍີ່ປຸ່ນ Shinzo Abe ເນັ້ນໜັກວ່າ: ບັນດາຄວາມມານະພະຍາຍາມຂອງ ໂຕກຽວ ແມ່ນເພື່ອແນໃສ່ປັບປຸງການພົວພັນກັບ ປັກກິງ. ການນຳ ຍີ່ປຸ່ນ ຢືນຢັນຄວາມໄວ້ເນື້ອເຊື່ອໃຈທີ່ຢືດໝັ້ນໃນຫລັກການສ້າງສາຍພົວພັນຍຸດທະສາດ 2 ຝ່າຍແບບຕ່າງຝ່າຍຕ່າງມີຜົນປະໂຫຍດກັບ ຈີນ.
2 ຝ່າຍເຫັນດີເປັນເອກະພາບເຊື່ອມຕໍ່ບັນດາການເຈລະຈາທີ່ກ່ຽວຂ້ອງເຖິງການເຄື່ອນໄຫວຂຸດຄົ້ນອາຍແກັສບົນທະເລ ຮວາຕຸງ ພ້ອມກັນນັ້ນ ຈະສົມທົບກັນຢ່າງຕັ້ງໜ້າ ເພື່ອປະຕິບັດກົນໄກຕິດຕໍ່ສື່ສານລະຫວ່າງກອງທັບ 2 ປະເທດ ເພື່ອແນໃສ່ຫລີກລ້ຽງການປະທະກັນບົນທະເລ ຮວາຕຸງ