ແຜ່ນດິນໄຫວຢູ່ຍີ່ປຸ່ນ
(vovworld) - ແຜ່ນດິນໄຫວແຮງທີ່ເກີດຂຶ້ນພາຍໃນເວລາ 3 ວັນຢູ່ເກາະ Kyushu, ທາງທິດຕາເວັນຕົກສ່ຽງໃຕ້ຂອງ ຍີ່ປຸ່ນ, ໄດ້ກໍ່ຄວາມເສຍຫາຍຢ່າງໜັກໜ່ວງກ່ຽວກັບຊີວິດອິນຊີ ແລະ ວັດຖຸ ໃຫ້ແຂວງ Kyushu ແລະ Kumamoto. ວົງການເຈົ້າໜ້າທີ່ ຍີ່ປຸ່ນໃຫ້ຮູ້ວ່າ, ແຜ່ນດິນໄຫວ 2 ຄັ້ງໃນຕອນຄຳ່ວັນທີ 14/4 ແລະ ຮຸ່ງເຊົ້າວັນທີ 16/4 ຢູ່ແຂວງ Kyushu ໄດ້ເຮັດໃຫ້ 41 ຄົນເສຍຊີວິດ, 1.000 ກວ່າຄົນຮັບບາດເຈັບ. ສ່ວນຢູ່ແຂວງ Kumamoto, ປະຊາຊົນປະມານ 90.000 ຄົນຕ້ອງໄປອົບພະຍົບ, ເຮືອນຊານ 1.700 ກວ່າຫຼັງຖືກທຳລາຍ. ທ່ານ Yosihide Suga, ຫົວໜ້າຫ້ອງວ່າການລັດຖະບານຍີ່ປຸ່ນ, ໃຫ້ຮູ້ວ່າ ບໍ່ມີຄວາມເສຍຫາຍຢູ່ໂຮງງານໄຟຟ້ານິວຄະເລຍ Sendai ຢູ່ແຂວງ Kagoshima ແລະໂຮງງານໄຟຟ້ານິວຄະເລຍ Genkai ຢູ່ແຂວງ saga. ໃນການປະຊຸມຂ່າວຕອນຄຳ່ວັນທີ 16/4, ທ່ານ Shinzo Abe ນາຍົກລັດຖະມົນຕີ ຍີ່ປຸ່ນ ໃຫ້ຮູ້ວ່າ, ໂດຍບໍ່ຫົວຊາຕໍ່ດິນຟ້າອາກາດທີ່ຮ້າຍແຮງ, ບັນດາກຳລັງກູ້ໄຟກູ້ຊີບຍັງຄົງມານະພະຍາຍາມຢ່າງສຸດຄວາມສາມາດຂອງຕົນເພື່ອປະຕິບັດວຽກງານ.
ກ່ຽວຂ້ອງເຖິງຂ່າວຊາວ ຫວຽດນາມຢູ່ແຂວງ Kumamoto, ທ່ານເອກອັກຄະລັດຖະທູດ ຫວຽດນາມປະຈຳ ຍີ່ປຸ່ນໃຫ້ຮູ້ວ່າ, ບໍ່ມີຂໍ້ມູນໃດກ່ຽວກັບ ຊາວ ຫວຽດນາມຖືກເສຍຊີວິດ ແລະ ຮັບບາດເຈັບໃນເຫດແຜ່ນດິນໄຫວທັງສອງຄັ້ງນີ້ເທື່ອ.
ເມື່ອໄດ້ຮັບຂ່າວແຜ່ນດິນໄຫວກໍ່ຄວາມເສຍຫາຍຢ່າງໜັກໜ່ວງຢູ່ແຂວງ Kumamoto, ປະເທດຍີ່ປຸ່ນ. ວັນທີ 16/4, ທ່ານ ຫງວຽນຊວນຟຸກ ນາຍົກລັດຖະມົນຕີ ຫວຽດນາມ ໄດ້ສົ່ງສານຢື້ຢາມຖາມຂ່າວເຖິງທ່ານ Shinzo Abe ນາຍົກລັດຖະມົນຕີ ຍີ່ປຸ່ນ.ໃນວັນດຽວກັນທ່ານ ຟ້າມບິ່ງມິງ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ກໍ່ໄດ້ສົ່ງສານຢື້ຢາມຖາມຂ່າວເຖິງທ່ານ Fumio Kishida ລັດຖະມົນຕີວ່າການກະຊວງການຕ່າງປະເທດ ຍີ່ປຸ່ນ.