(vovworld) - ຕອນບ່າຍວັນທີ 13/04, ໃນຂອບເຂດການຢ້ຽມຢາມ ແລະ ເຮັດວຽກຢູ່ຍີ່ປຸ່ນ, ທ່ານລັດຖະມົນຕີກະຊວງແຜນການ ແລະ ການລົງທຶນຫວຽດນາມ ຫງວຽນຈິ໋ຢຸງ ໄດ້ມີການເຈລະຈາກັບທ່ານປະທານຫ້ອງການການຄ້າ ແລະ ອຸດສາຫະກຳຍີ່ປຸ່ນ (JCCI) Akio Mimura. ທີ່ການເຈລະຈາ, ທ່ານລັດຖະມົນຕີ ຫງວຽນຈິ໋ຢຸງ ຢືນຢັນວ່າ, ຍາມໃດຫວຽດນາມ ກໍຖືເປັນສຳຄັນການພົວພັນກັບຍີ່ປຸ່ນ, ເອົາໃຈໃສ່, ສະໜັບສະໜູນບັນດາວິສາຫະກິດຍີ່ປຸ່ນ ຊອກຫາກາລະໂອກາດລົງທຶນ, ຮ່ວມມືກັບຫວຽດນາມ, ໃນນັ້ນມີການຮ່ວມມືລະຫວ່າງບັນດາທ້ອງຖິ່ນຂອງ 2 ປະເທດ. ທ່ານລັດຖະມົນຕີ ຫງວຽນຈິ໋ຢຸງ ເນັ້ນໜັກເຖິງບົດບາດສຳຄັນຂອງ JCCI ເວົ້າລວມ ແລະ ຂອງທ່ານປະທານ Akio Mimura ເວົ້າສະເພາະໃນການຊຸກຍູ້ບັນດາວິສາຫະກິດຍີ່ປຸ່ນ ລົງທຶນຢ່າງແຮງເຂົ້າຫວຽດນາມ, ສ້າງເປັນ “ກະແສຟອງ”, ຂະບວນການລົງທຶນໃໝ່ເຂົ້າຫວຽດນາມ.
ສ່ວນທ່ານປະທານ JCCI, Akio Mimura ປາດຖະໜາວ່າ, ບັນດາການພົບປະ, ເຈລະຈາ, ກອງປະຊຸມ, ກອງປະຊຸມສຳມະນາລະຫວ່າງນັກຄຸ້ມຄອງ, ວິສາຫະກິດ 2 ປະເທດສືບຕໍ່ໄດ້ຮັບການເພີ່ມທະວີ; ພ້ອມທັງສະແດງຄວາມປະຕິຊົມຊື່ນເມື່ອພື້ນຖານເສດຖະກິດຫວຽດນາມ ພວມພັດທະນາຢ່າງໝັ້ນຄົງ, ຕັ້ງໜ້າ.