ທ່ານ ເລຮົ່ງແອງ ແລະ ທ່ານສີຈິ້ນຜິງ
ພາບ:internet
|
(vovworld)- ຕອນບ່າຍວັນທີ 27/8, ຢູ່ ປັກກີ່ງ ປະເທດຈີນ, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກກອມມູນິດຫວຽດນາມ, ທູດພິເສດຂອງທ່ານເລຂາທິການໃຫຍ່ ຫງວຽນຟູຈ້ອງ ໄດ້ພົບປະແລກປ່ຽນຄຳເຫັນກັບທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ. ທ່ານເລຮົ່ງແອງ ຢືນຢັນວ່າ: ພັກ, ລັດ ແລະ ປະຊາຊົນຫວຽດນາມ ຍາມໃດກໍຖືເປັນສຳຄັນ ແລະ ປາດຖະຫນາຢາກພ້ອມກັບພັກ, ລັດ ແລະ ປະຊາຊົນ ຈີນ ປັບປຸງ ແລະ ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ ແລະ ຈີນ ຢ່າງບໍ່ຢຸດຢັ້ງ, ພັດທະນາຢ່າງປອດໃສ, ສະຖຽນລະພາບຍາວນານ. ທ່ານ ເລຮົ່ງແອງ ສະເຫນີ ການນຳຂັ້ນສູງສອງພັກ, ສອງປະເທດ ເພີ່ມທະວີການຊີ້ນຳເພື່ອໃຫ້ການພົວພັນລະຫວ່າງ 2 ພັກ, ສອງລັດ ຫວຽດນາມ ແລະ ຈີນ ຟື້ນຟູໂດຍໄວ ແລະ ພັດທະນາຢ່າງປອດໃສ, ສະຖຽນລະພາບໃນທຸກຂົງເຂດ, ພ້ອມທັງຊີ້ນຳບັນດາອົງການກ່ຽວຂ້ອງຂອງແຕ່ລະຝ່າຍ ເຄົາລົບຄວາມຮັບຮູ້ລວມຂອງການນຳຂັ້ນສູງສອງພັກ, ສອງລັດ, ປະຕິບັດຢ່າງເຂັ້ມງວດ“ຂໍ້ຕົກລົງກ່ຽວກັບບັນດາຫລັກການພື້ນຖານຊີ້ນຳການແກ້ໄຂບັນຫາບົນທະເລຫວຽດນາມ- ຈີນ, ກວດກາສະພາບການ ແລະ ແກ້ໄຂທຸກຄວາມຂັດແຍ້ງຢູ່ທະເລຕາເວັນອອກຢ່າງສົມເຫດສົມຜົນ, ຮັກສາສັນຕິພາບ,ສະຖຽນລະພາບ, ວັດທະນາຖາວອນຂອງພາກພື້ນ.
ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ຢືນຢັນ: ພັກ, ລັດຖະບານ ແລະ ປະຊາຊົນຈີນ ຖືການພັດທະນາກັບຫວຽດນາມ ເປັນສຳຄັນ, ຍາມໃດຢືດໝັ້ນທິດນຳຮ່ວມມືມິດຕະພາບກັບຫວຽດນາມ ແລະ ຈະພ້ອມກັບພັກ, ລັດ, ລັດຖະບານ ຫວຽດນາມ ພະຍາຍາມຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ ສືບຕໍ່ພັດທະນາ. ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ເຫັນດີເປັນເອກະສັນກັນ: ການນຳຂັ້ນສູງສອງພັກ, ສອງລັດ ເພີ່ມທະວີການພົວພັນຊີ້ນຳ, ຮັກສາການພົວພັນສອງປະເທດພັດທະນາຢ່າງປອດໃສ, ສະຖຽນລະພາບ, ຊີ້ນຳການປະຕິບັດບັນດາຄວາມຮັບຮູ້ລວມເປັນຢ່າງດີ ເພື່ອຟື້ນຟູ ແລະ ພັດທະນາການພົວພັນລະຫວ່າງສອງພັກ, ສອງປະເທດ ຊື່ງການນຳສອງຝ່າຍ ໄດ້ເປັນເອກະພາບໃນການຢ້ຽມຢາມຄັ້ງນີ້.