( vovworld ) – ຕາມນັກຂ່າວວິທະຍຸກະຈາຍສຽງຫວຽດນາມ ປະຈຳຈີນ ແລ້ວ, ໂດຍໄດ້ຮັບຄຳເຊື້ອເຊີນຈາກສູນກາງພັກກອມມູນິດຈີນ, ທ່ານໂຕຮູຍເຣືອ ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະຈັດຕັ້ງສູນກາງ ໄດ້ໄປຢ້ຽມຢາມ ແລະ ເຮັດວຽກຢູ່ຈີນ ແຕ່ວັນທີ 14-20/2/2012. ໃນຕອນບ່າຍຂອງວັນທີ 16/2, ຢູ່ນະຄອນຫຼວງປັກກີງ, ທ່ານຫຼີຈາງຊວນ, ກຳມະການປະຈຳກົມການເມືອງສູນກາງພັກກອມມີນິດຈີນ ໄດ້ພົບປະເຈລະຈາກັບທ່ານໂຕຮູຍຣືອ ແລະ ຄະນະຜູ້ແທນສູນກາງພັກກອມມີນິດຫວຽດນາມ. ທີ່ການພົບປະ, ທ່ານຫຼີຈາງຊວນ ຢືນຢັນວ່າ ການພົວພັນມິດຕະພາບ, ການຮ່ວມມືລະຫວ່າງສອງພັກ, ສອງປະເທດຈີນ ແລະ ຫວຽດນາມ ມີຄວາມໝາຍສຳຄັນທີ່ສຸດຕໍ່ກັບສຳລັບພາລະກິດສ້າງສາປະເທດຊາດຂອງແຕ່ລະປະເທດ, ກໍຄືສຳລັບສັນຕິພາບ, ສະຖຽນລະພາບ, ການຮ່ວມມື, ພັດທະນາໃນພາກພື້ນ ແລະ ໃນໂລກ; ພ້ອມທັງເນັ້ນໜັກວ່າ: ພັກ, ລັດ ແລະ ປະຊາຊົນຈີນ ຍາມໃດກໍຖືການພັດທະນະການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ-ຈີນ ເປັນສຳຄັນ. ຝ່າຍຈີນ ຈະພ້ອມກັບຝ່າຍຫວຽດນາມຊາບຊືມປະຕິບັດຄວາມຮັບຮູ້ລວມທີ່ບັນລຸໄດ້ລະຫວ່າງສອງພັກ, ສອງລັດຢ່າງເຂັ້ມງວດ, ຊຸກຍຸ້ການພົວພັນມິດຕະພາບ ແລະ ການຮ່ວມມືຢ່່າງຮອບດ້ານລະຫວ່າງສອງພັກ, ສອງລັດຢ່າງບໍຢຸດຢັ້ງ ແລະ ກ້າວເຂົ້າສູ່ລວງເລິກ, ນຳມາເຊີ່ງຜົນງານອັນແທດຈິງໃຫ້ປະຊາຊົນສອງປະເທດ.
ສ່ວນທ່ານ ໂຕຮູຍເຣືອ ໄດ້ຢືນຢັນວ່າ: ພັກ, ລັດ ແລະ ປະຊາຊົນຫວຽດນາມປາດຖະໜາຢາກພ້ອມກັບຝ່າຍຈີນ ປະຕິບັດຄວາມຮັບຮູ້ລວມທີ່ບັນລຸໄດ້ລະຫວ່າງການນຳຂັ້ນສູງສອງພັກ, ສອງລັດໃນການຢ້ຽມຢາມຈີນ ຂອງທ່ານເລຂາທິການໃຫ່ຍ ຫງວຽນຟູຈ້ອງ ຫວ່າງແລ້ວນີ້, ຊຸກຍູ້ການພົວພັນແລກປ່ຽນໃນທຸກຂົງເຂດ, ຮ່ວມມືໃນທຸກຂົງເຂດລະຫວ່າງບັນດາກະຊວງ ຂະແໜງການຂອງສອງປະເທດ, ຊຸກຍູ້ການພົວພັນຖານບ້ານໃກ້ເຮືອນຄຽງມິດຕະພາບ ແລະ ການຮ່ວມມືຮອບດ້ານລະຫວ່າງ ຫວຽດນາມ-ຈີນ ຢ່າງບໍຢຸດຢັ້ງ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການພັດທະນາໃນພາກພື້ນ ແລະ ໃນໂລກ.
ກ່ອນໜ້ານັ້ນ, ທ່ານ ໂຕຮູຍເຣືອ ໄດ້ມີການເຈລະຈາກັບຄະນະຜູ້ແທນພັກກອມມູນິດຈີນ ໂດຍທ່ານຫຼີແຢວນຈຽວ. ກຳມະການກົມການເມືອງ, ເລຂາຄະນະເລຂາ, ຫົວໜ້າຄະນະຈັດຕັ້ງສູນກາງນຳໜ້າ. ສອງຝ່າຍໄດ້ແລກປ່ຽນບົດຮຽນກ່ຽວກັບວຽກງານການຈັດຕັ້ງ, ພະນັກງານຂອງສອງພັກ, ໂດຍສະເພາະແມ່ນວຽກງານວາງແຜນກຳນົດ, ບຳລຸງສ້າງ, ຕີລາຄາພະນັກງານ…ສອງຝ່າຍເຫັນດີເປັນເອກະສັນຈະເພີ່ມທະວີການພົວພັນແລກປ່ຽນ, ການຮ່ວມມືລະຫວ່າງຄະນະຈັດຕັ້ງສູນກາງສອງພັກ; ເປີດກ້ວາງການແລກປ່ຽນບົດຮຽນ, ຮ່ວມມືບຳລຸງສ້າງພະນັກງານ…..ຕາມທິດເຂົ້າສູ່ລວງເລິກ, ແທດຈິງ, ເຮັດໃຫ້ການພົວພັນຄູ່ຮ່ວມມືຍຸດທະສາດຮອດດ້ານ ຫວຽດນາມ-ຈີນ ນັບມື້ນັບອຸດົມສົມບູນຂຶ້ນຕື່ມ.