(vovworld) – ໂດຍໄດ້ຮັບຄຳເຊີນຈາກສູນກາງພັກກອມມູນິດຈີນ, ທ່ານເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ, ທູດພິເສດຂອງທ່ານເລຂາທິການໃຫຍ່ຫວຽດນາມ ຫງວຽນຟຸຈ້ອງ ຈະໄປຢ້ຽມຢາມຈີນ ແຕ່ວັນທີ 26 – 27/08. ເມື່ອຕອບຄຳຖາມຂອງນັກຂ່າວໂດຍໃຫ້ຮູ້ຈຸດປະສົງຂອງການຢ້ຽມຢາມ, ໂຄສົກກະຊວງການຕ່າງປະເທດຫວຽດນາມ ເລຫາຍບິ່ງ ໃຫ້ຮູ້ວ່າ: ຈຸດປະສົງຂອງການຢ້ຽມຢາມແມ່ນເພື່ອແນໃສ່ແລກປ່ຽນກັບການນຳຈີນ ກ່ຽວກັບບັນດາບັນຫາເຮັດໃຫ້ຄວາມເຄັ່ງຕຶງຫຼຸດລົງ, ບໍ່ປະໃຫ້ເກີດບັນດາຄວາມເຄັ່ງຕຶ່ງຄືໃນໄລຍະຜ່ານມາ, ພ້ອມທັງຊຸກຍູ້ການພົວພັນລະຫວ່າງ 2 ພັກ, 2 ລັດໃຫ້ພັດທະນາຢ່າງສົດໄສ, ໝັ້ນຄົງຍາວນານ, ຕອບສະໜອງຄວາມປາດຖະໜາ ແລະ ຜົນປະໂຫຍດຂອງປະຊາຊົນ 2 ປະເທດຫວຽດນາມ - ຈີນ.
ເມື່ອຕອຍຄຳຖາມຂອງນັກຂ່າວກ່ຽວກັບເລື່ອງແກ້ໄຂຜົນສະທ້ອນຈາກການກໍ່ຄວາມວຸ້ນວາຍຢູ່ບາງທ້ອງຖິ່ນ ໃນກາງເດືອນ 05 ຜ່ານມາ ສຳລັບວິສາຫະກິດຕ່າງປະເທດ, ໃນນັ້ນມີວິສາຫະກິດຈີນ, ໂຄສົກກະຊວງການຕ່າງປະເທດ ເລຫາຍບິງ ຊີ້ແຈ້ງວ່າ “ຝ່າຍຫວຽດນາມ ເປັນໜ້າເສຍດ່າຍກ່ຽວກັບເຫດການທີ່ເກີດຂຶ້ນສຳລັບວິສາຫະກິດທີ່ມີເງິນລົງທຶນຕ່າງປະເທດ, ໃນນັ້ນມີວິສາຫະກິດ ແລະ ກຳມະກອນຈີນ ໃນເດືອນ 05 ຜ່ານມາ, ພ້ອມທັງສະແດງຄວາມເສົາສະລົດໃຈກ່ຽວກັບເລື່ອງ ມີກຳມະກອນຈີນ ບາງຄົນເສຍຊີວິດ ແລະ ຮັບບາດເຈັບໃນເຫດການດັ່ງກ່າວ. ຝ່າຍຫວຽດນາມ ຈະມີຮູບແບບໜູນຊ່ວຍມະນຸດສະທຳສຳລັບກຳມະກອນຈີນ ຖືກເຄາະຮ້າຍ. ສະມາຄົມມິດຕະພາບຫວຽດນາມ - ຈີນ ຈະສົ່ງຄະນະຜູ້ແທນໄປຍັງຈີນ ເພື່ອຢື້ຢາມຖາມຂ່າວບາງຄອບຄົວຕາງໜ້າໃຫ້ບັນດາຜູ້ຖືກເຄາະຮ້າຍ. ຝ່າຍຫວຽດນາມ ໄດ້ ແລະ ພວມສືບຕໍ່ປະຕິບັດບັນດານະໂຍບາຍ, ມາດຕະການໜູນຊ່ວຍເຊິ່ງລັດຖະບານໄດ້ປະກາດສຳລັບບັນດາວິສາຫະກິດ ເພື່ອໃຫ້ວິສາຫະກິດແກ້ໄຂຄວາມຫຍຸ້ງຍາກ, ຫຼຸດຜ່ອນຄວາມເສຍຫາຍ ແລະ ເຄື່ອນໄຫວເປັນປົກກະຕິ. ຫວຽດນາມ ໄດ້ ແລະ ພວມສືບສວນເຫດການຢ່າງເຂັ້ມງວດ ແລະ ປັບໄໝລົງໂທດບັນດາຜູ້ກໍ່ຄວາມວຸ້ນວາຍລະເມີດກົດໝາຍ; ພ້ອມທັງນຳໃຊ້ບັນດາມາດຕະການຈຳເປັນເພື່ອຮັບປະກັນຄວາມສະຫງົບ, ປອດໄພໃຫ້ກຳມະກອນ, ວິສາຫະກິດຈີນ ແລະ ບັນດາວິສາຫະກິດປະເທດອື່ນຢູ່ຫວຽດນາມ.”