(ພາບ: vietnamplus.vn )
(vovworld)- ໃນຂອບເຂດການຢ້ຽມຢາມລາຊະອານາຈັກອັງກິດ ແລະ ໄອແລນເໜືອ ແລະ ເປັນປະທານການສົນທະນາຄູ່ຮ່ວມມືຍຸດທະສາດຫວຽດນາມ-ອັງກິດ ຄັ້ງທີ 3, ຕອນບ່າຍວັນທີ 21/10, ທີ່ສຳນັກງານສະຖານທູດຫວຽດນາມ ປະຈຳອັງກິດ, ທ່ານບຸ່ຍແທງເຊີນ, ຮອງລັດຖະມົນຕີການຕ່າງປະເທດຫວຽດນາມ ໄດ້ພົບປະ ແລະ ເຮັດວຽກກັບເຄືອຂ່າຍ ຫວຽດນາມ-ອັງກິດ. ກ່າວຄຳເຫັນນະທີ່ນີ້, ທ່ານ Ben Chapman ປະທານບໍລິຫານເຄືອຂ່າຍ ຫວຽດນາມ-ອັງກິດ ໃຫ້ຮູ້ວ່າ: ເຖິງວ່າສອງປະເທດໄດ້ສ້າງຕັ້ງການພົວພັນທາງການທູດໄດ້ 40 ປີແລ້ວກໍ່ຕາມແຕ່ ປຊຊ ອັງກິດ ຫຼາຍຄົນຍັງບໍ່ທັນຮູ້ຈັກກ່ຽວກັບປະເທດຊາດ ແລະ ຊາວຫວຽດນາມ ເທື່ອ. ສິ່ງດັ່ງກ່າວໄດ້ຊຸກຍູ້ໃຫ້ເຄືຍຂ່າຍຂອງທ່ານຕ້ອງເຮັດວຽກຢ່າງຕັ້ງໜ້າກ່ວາອີກ ເພື່ອປະກອບສ່ວນຊ່ວຍຊາວອັງກິດ ເຂົ້າໃຈກ່ຽວກັບຫວຽດນາມ ຈະແຈ້ງກ່ວາອີກ. ສ່ວນທ່ານ ບຸ່ຍແທງເຊີນ, ຮອງລັດຖະມົນຕີການຕ່າງປະເທດຫວຽດນາມ ຖືວ່າ: ຫວຽດນາມ ຕ້ອງຮ່ຳຮຽນເອົາບົດຮຽນຂອງອັງກິດ ໃນບັນດາຂົງເຂດໃຫ້ບຸລິມະສິດຄື: ປັບປຸງພື້ນຖານໂຄງລ່າງ, ພັດທະນາແຫຼ່ງຊັບພະຍາກອນມະນຸດ, ແລກປ່ຽນວັດທະນະທຳ ແລະ ພົວພັນແລກປ່ຽນລະຫວ່າງ ປຊຊ. ຫວຽດນາມ ຕ້ອງໄດ້ຮັບການຊ່ວຍເຫຼືອ ແລະ ສະໜັບສະຫນູນຈາກລັດຖະບານອັງກິດ ໃນບັນດາຂົງເຂດຄື: ແກ້ໄຂຜົນຮ້າຍຢ້ອນຫຼັງຈາກສົງຄາມ, ເກັບກູ້ລະເບີດຍັງບໍ່ທັນແຕກ. ສອນພາສາອັງກິດ, ໂຄສະນາການທ່ອງທ່ຽວ….