(vovworld) - ວັນທີ 29/09, ຢູ່ຮ່າໂນ້ຍ, ທ່ານປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ວູຊວນຮົ່ງ ໄດ້ມອບຫຼຽນຫາທີ່ລະນຶກ “ເພື່ອສັນຕິພາບ, ມິດຕະພາບລະຫວ່າງຊາດ” ໃຫ້ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງຍີ່ປຸ່ນ ປະຈຳຫວຽດນາມ Fukada Hiroshi ເນື່ອງໃນໂອກາດສິ້ນສຸດໜ້າທີ່ການທູດຢູ່ຫວຽດນາມ. ໃນອາຍຸການປະຕິບັດໜ້າທີ່ຢູ່ຫວຽດນາມ, ທ່ານເອກອັກຄະລັດຖະທູດ Fukada Hiroshi ໄດ້ມີການປະກອບສ່ວນສຳຄັນຫຼາຍຢ່າງເຂົ້າໃນການພັດທະນາການພົວພັນມິດຕະພາບ ບົນພື້ນຖານການພົວພັນດ້ານການເມືອງອັນດີງາມ. ການພົວພັນດ້ານເສດຖະກິດ, ການຄ້າລະຫວ່າງຫວຽດນາມ ແລະ ຍີ່ປຸ່ນ ຍາມໃດກໍ່ໄດ້ຮັບການເຕີບໂຕເປັນປົກກະຕິ… ສະແດງຄວາມເປັນກຽດເມື່ອໄດ້ຮັບຂອງຂວັນອັນສູງສົ່ງທີ່ສຸດຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ, ທ່ານ Fukada Hiroshi ໃຫ້ຮູ້ວ່າ, ຈະກັບຄືນຫວຽດນາມ ໃນອະນາຄົດ ແລະ ຈະປະກອບສ່ວນໃຫ້ແກ່ການພັດທະນາການພົວພັນອັນດີງາມລະຫວ່າງ 2 ປະເທດໃຫ້ຫຼາຍກວ່າອີກ.