ຊຸກຍູ້ການພົວພັນຮ່ວມມື ຫຼາຍດ້ານລະຫວ່າງ ຫວຽດນາມ - ບຸນກາຣີ
ທ່ານເລຂາທິການໃຫຍ່ ຫງວຽນຟຸ໋ຈ້ອງ
ຕ້ອນຮັບ ປະທານາທິບໍດີ ບຸນກາຣີ
(ພາບ: TTXVN)
(vovworld) – ຕອນບ່າຍວັນທີ 28 ຕຸລາ, ຢູ່ຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸ໋ຈ້ອງ ໄດ້ໃຫ້ການຕ້ອນຮັບ ປະທານາທິບໍດີ ບຸນກາຣີ Rosen Plevneliev.
ທ່ານເລຂາທິການໃຫຍ່ ຫງວຽນຟຸ໋ຈ້ອງ ໄດ້ຖືການຢ້ຽມຢາມຫວຽດນາມ ຂອງທ່ານປະທານນາທິບໍດີ ບຸນກາຣີ Rosen Plevneliev ເປັນຂີດໝາຍສຳຄັນ, ສ້າງກຳລັງແຮງໃໝ່ໃຫ້ການພັດທະນາການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານລະຫວ່າງ 2 ປະເທດ. ທ່ານເລຂາທິການໃຫຍ່ໄດ້ສະເໜີໃຫ້ 2 ຝ່າຍເປີດກວ້າງການພົວພັນ 2 ຝ່າຍລະຫວ່າງພັກ, ສະພາແຫ່ງຊາດ, ລັດຖະບານ ແລະ ຖືການເພີ່ມທະວີການພົບປະແລກປ່ຽນປະຊາຊົນເປັນສຳຄັນ; ສະເໜີໃຫ້ 2 ລັດຖະບານພ້ອມກັນຕະຕຸກຊຸກຍູ້ ແລະ ຫັນການປະຕິບັດບັນດາຂໍ້ຕົງລົງເຊິ່ງ 2 ຝ່າຍໄດ້ຮັບການລົງນາມເປັນລະອຽດ. ທ່ານເລຂາທິການໃຫຍ່ ຫງວຽນຟຸ໋ຈ້ອງ ຢືນຢັນວ່າ ຢາມໃດຫວຽດນາມກໍ່ຖືເປັນສຳຄັນການພົວພັນກັບບັນດາປະເທດເພື່ອນມິດທີ່ເປັນມູນເຊື້ອ, ໃນນັ້ນມີບຸນກາຣີ.
(ພາບ: VGP)
ແລະກໍ່ໃນຕອນບ່າຍວັນດຽວກັນ, ກ່າວຄຳເຫັນທີ່ການຕ້ອນຮັບທ່ານປະທານາທິບໍດີ ສ.ບຸນກາຣີ Rosen Plevneliev ໃນການຢ້ຽມຢາມທາງລັດຖະກິດຫວຽດນາມ, ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນສະໂຍບາຍສະເໝີຕົ້ນສະເໝີປາຍຂອງຫວຽດນາມ ແມ່ນຖືເປັນສຳຄັນ ແລະ ປາດຖະໜາຢາກພ້ອມກັບບຸນກາຣີ ສືບຕໍ່ມານະພະຍາຍາມນຳການພົວພັນຮ່ວມມືລະຫວ່າງຫວຽດນາມ - ບຸນກາຣີ ນັບມື້ນັບເລິກເຊິ່ງ, ແທດຈິງ, ມີປະສິດທິຜົນ ແລະ ພັດທະນາຂຶ້ນສູ່ລະດັບສູງໃໝ່ໃນອະນາຄົດ. ທ່ານນາຍົກລັດຖະມົນຕີ ຫງວຽນເຕີນຢຸງ ສະເໜີໃຫ້ 2 ຝ່າຍຊຸກຍູ້ການຮ່ວມມືດ້ານເສດຖະກິດ, ການຄ້າ, ການລົງທຶນຢ່າງແຮງກວ່າ, ພິເສດແມ່ນໃນຂົງເຂດພະລັງງານ, ເຕັກໂນໂລຊີສູງ, ການຢາ...
ທ່ານປະທານາທິບໍດີ Rosen Plevneliev ກໍ່ຖືວ່າ 2 ຝ່າຍຄວນເພີ່ມທະວີການເຄື່ອນໄຫວຮ່ວມມືດ້ານເສດຖະກິດ, ການຄ້າ, ການລົງທຶນ, ການສຶກສາ ບຳລຸງສ້າງ, ພົບປະແລກປ່ຽນປະຊາຊົນກວ່າອີກ. ທ່ານປະທານາທິບໍດີ Rosen Plevneliev ຢືນຢັນວ່າ ຍາມໃດບຸນກາຣີ ກໍ່ພ້ອມແລ້ວທີ່ຈະເປັນຂົວເຊື່ອມຕໍ່ເພື່ອໃຫ້ຫວຽດນາມ ຊຸກຍູ້, ເປີດກວ້າງການຮ່ວມມືກັບ EU ກໍ່ຄືພ້ອມແລ້ວທີ່ຈະສ້າງເງື່ອນໄຂສະດວກເປັນປະຕູເພື່ອໃຫ້ຫວຽດນາມ ນຳສິນຄ້າເຂົ້າຕະຫຼາດເອີລົບ. ທ່ານປະທານາທິບໍດີ ປາດຖະໜາວ່າ, ຫວຽດນາມ ສະໜັບສະໜູນບຸນກາຣີ ຊຸກຍູ້ ແລະ ເປີດກວ້າງການຮ່ວມມືກັບບັນດາປະເທດອາຊຽນ.