ຊຸກຍູ້ການພົວພັນຮ່ວມມືລະຫວ່າງແນວໂຮມປະເທດຊາດຫວຽດນາມແລະສະພາປຶກສາການເມືອງປະຊາຊົນແຫ່ງຊາດຈີນ
ກອງປະຊຸມເຈລະຈາ
(vovworld) - ຕອນບ່າຍວັນທີ 04/12 ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ໃຫ້ການຕ້ອນຮັບທ່ານ ເຫວືງກາ ຮອງປະທານສະພາປຶກສາການເມືອງປະຊາຊົນແຫ່ງຊາດ ຈີນ, ລັດຖະມົນຕີກະຊວງວິທະຍາສາດ - ເຕັກໂນໂລຢີ ພວມຢູ່ຢ້ຽມຢາມ ຫວຽດນາມ. ທ່ານປະທານ ຫງວຽນທ້ຽນເຍີນ ຢືນຢັນວ່າ: ພັກ, ລັດ, ແນວໂຮມປະເທດຊາດ, ປະຊາຊົນ ຫວຽດນາມ ຖືເປັນສຳຄັນ ການພົວພັນຮ່ວມມືມິດຕະພາບກັບພັກ, ລັດ, ສະພາປຶກສາການເມືອງ, ປະຊາຊົນ ຈີນ ທີ່ສຸດ. ຄຽງຂ້າງການຮ່ວມມືດ້ານເສດຖະກິດ, 2 ຝ່າຍຄວນຍູ້ແຮງການພົວພັນຮ່ວມມື, ເປີດກ້ວາງບັນດາຮູບການພົບປະແລກປ່ຽນມິດຕະພາບປະຊາຊົນດ້ວຍບັນດາຮູບການໃໝ່ ບັນດາຂວງຕິດກັບຊາຍແດນຄວນມີບັນດາຮູບການພົບປະ ແລກປ່ຽນລະຫວ່າງປະຊາຊົນທຸກຊັ້ນວັນນະ, ພິເສດແມ່ນລຸ້ນໜຸ່ມ ເພື່ອນຳຄວາມສາມັກຄີມິດຕະພາບລະຫວ່າງ 2 ປະເທດໃຫ້ພັດທະນາຢ່າງໝັ້ນຄົງໃນໄລຍະຈະມາເຖິງ. ທ່ານປະທານ ຫງວຽນທ້ຽນເຍີນ ຫວັງວ່າ: ຜ່ານ ຈີນ ສາມາດແລກປ່ຽນບົດຮຽນໃນການປ້ອງການ, ຕ້ານການສໍ້ລາດບັງຫລວງ, ການຈັດຕັ້ງບັ້ນຂົນຂວາຍຫົວຄິດປະດິດສ້າງໃນໝູ່ຊາວໜຸ່ມ, ເສີມຂະຫຍາຍບົດບາດປະດິດສ້າງຂອງຖັນແຖວປັນຍາຊົນ; ຊຸກຍູ້ນ້ຳໃຈເລີ່ມດຳເນີນອາຊີບຂອງນັກທຸລະກິດໜຸ່ມ.
ໂດຍເປັນເອກະພາບກັບທັດສະນະທີ່ວ່າ 2 ປະເທດຄວນຖືການພັດທະນາຂອງແຕ່ລະຝ່າຍແມ່ນກາລະໂອກາດຂອງປະເທດຕົນ, ທ່ານ ເຫວືງກາ ຫວັງວ່າ ໃນໄລຍະຈະມາເຖິງ, 2 ຝ່າຍສາມາດຍູ້ແຮງການຮ່ວມມື, ພິເສດແມ່ນຊຸກຍູ້ການແລກປ່ຽນລະຫວ່າງບັນດານັກວິທະຍາສາດ, ຊຸກຍູ້ຫົວຄິດປະດິດສ້າງໃນການເລີ່ມດຳເນີນອາຊີບ.