ຊຸກຍູ້ການຮ່ວມມືດ້ານເສດຖະກິດ,ການຄ້າແລະການລົງທຶນລະຫວ່າງຫວຽດນາມແລະກູບາ
(ພາບປະກອບ)
(vovworld) – ດ້ວຍຄາດໝາຍ ຊຸກຍູ້ການຮ່ວມມືດ້ານເສດຖະກິດ,ການຄ້າ ແລະ ການລົງທຶນ ລະຫວ່າງ ຫວຽດນາມ ແລະ ກູບາ, ກໍ່ຄືການຜັນຂະຫຍາຍບັນດາຂໍ້ຕົກລົງ ໃນບົດບັນທຶກ ກອງປະຊຸມຄັ້ງທີ 33 ຄະນະກຳມາທິການປະສົມ ລະຫວ່າງ ລັດຖະບານ ສອງປະເທດ, ຄະນະຜູ້ແທນກະຊວງກໍ່ສ້າງ ຫວຽດນາມ ໂດຍ ທ່ານ ເລກວາງຮຸ່ງ, ລັດຖະມົນຕີຊ່ວຍວ່າການ ນຳໜ້າຄະນະ ໄດ້ໄປຢ້ຽມຢາມ ແລະ ເຮັດວຽກ ຢູ່ ກູບາ ແຕ່ວັນທີ 2-6/4/2016. ໃນໄລຍະຢູ່ ກູບາ, ທ່ານ ລັດຖະມົນຕີຊ່ວຍວ່າການ ເລກວາງຮຸ່ງ ໄດ້ມີການເຮັດວຽກກັບ ທ່ານ Rene Mesa Villafana, ລັດຖະມົນຕີວ່າການ ກະຊວງກໍ່ສ້າງກູບາ ແລກປ່ຽນກ່ຽວກັບ ສະພາບການຜັນຂະຫຍາຍ ການປະຕິບັດຂໍ້ຕົກລົງຮ່ວມມື ລະຫວ່າງ ບັນດາວິສາຫະກິດກໍ່ສ້າງ ສອງຝ່າຍ ໃນໄລຍະຜ່ານມາ ແລະ ຄວາມຕ້ອງການຮ່ວມມື ໃນໄລຍະຈະມາເຖິງ. ໃນໂອກາດນີ້, ສອງຝ່າຍ ໄດ້ເປັນສັກຂີພະຍານ ໃນພິທີເຊັນສັນຍາຮ່ວມມື ສ້າງຕັ້ງວິສາຫະກິດຮ່ວມທຸລະກິດ ລະຫວ່າງ ບໍລິສັດໃຫຍ່ Viglacera ແລະ ກຸ່ມບໍລິສັດບໍລິສັດ GEICON ກູບາ ແລະ ສັນຍາຮ່ວມມື ກ່ຽວກັບ ການສົ່ງອອກນຳເຂົ້າ ວັດສະດຸກໍ່ສ້າງ ລະຫວ່າງ Viglacera ແລະ ບໍລິສັດ IMECO ຂອງກູບາ.
ຄະນະປະຕິບັດງານ ໄດ້ມີການເຮັດວຽກກັບ ການນຳກະຊວງທ່ອງທ່ຽວກູບາ, ແລກປ່ຽນກ່ຽວກັບ ຄວາມສາມາດບົ່ມຊ້ອນ, ຄວາມາຕ້ອງການຮ່ວມມືລົງທຶນກໍ່ສ້າງໃໝ່ ແລະ ບູລະນະໂຮງແຮມ ຢູ່ກູບາ, ໃນນັ້ນມີຂໍ້ສະເໜີ ໂຄງການຮ່ວມມືລົງທຶນ ລະຫວ່າງ ບໍລິສັດ Hanel (ຫວຽດນາມ) ແລະ ຄູ່ຮ່ວມມື Cubanacan (ກູບາ) ແລະ ການຮ່ວມມືລົງທຶນ ລະຫວ່າງ ບໍລິສັດໃຫຍ່ Viglacera ແລະ ກຸ່ມບໍລິສັດບໍລິສັດ Gran Caribe.