ຊຸກຍູ້ການຮ່ວມມືລະຫວ່າງບັນດາປະເທດໃນການຄຸ້ມຄອງ,ຂຸດຄົ້ນ,ພັດທະນາແຫຼ່ງນຳ້ລິນແບບຍືນຍົງ
ພາບປະກອບ
(vovworld) – ກອງປະຊຸມສຳມະນາ ຊຸກຍູ້ການຮ່ວມມືລະຫວ່າງບັນດາປະເທດໃນການຄຸ້ມຄອງ, ຂຸດຄົ້ນ, ພັດທະນາແຫຼ່ງນຳ້ລິນແບບຍືນຍົງໂດຍມະຫາວິທະຍາໄລຊັບພະຍາກອນ ສິ່ງແວດລ້ອມສົມທົບກັບມະຫາວິທະຍາໄລ Quebec (ປະເທດ ການາດາ), ສູນຄົ້ນຄ້ວາແຫຼ່ງນຳ້ລິນຂຶ້ນກັບມະຫາວິທະຍາໄລ ຂອນແກ່ນ (ປະເທດ ໄທ), ມະຫາວິທະຍາໄລເຕັກໂນໂລຢີ Defl (ປະເທດ ໂຮນລັງ), ຄະນະຊີ້ນການຳປະສານງານບັນດາໂຄງການພູມສາດພາກພື້ນ ຕາເວັນອອກ ແລະ ອາຊີຕາເວັນອອກສ່ຽງໃຕ້ (CCOP), ຈັດຕັ້ງໃນວັນທີ 5/7 ຢູ່ຮ່າໂນ້ຍ ເພື່ອແບ່ງປັນກ່ຽວກັບການຄຸ້ມຄອງ ແລະ ນຳ້ໃຊ້ແຫຼ່ງນຳ້ລິນ. ບັນດານັກຊ່ຽວຊານໄດ້ແລກປ່ຽນບັນດາສິ່ງທ້າທາຍທີ່ມີຕໍ່ການນຳໃຊ້ ແລະ ຂຸດຄົ້ນນຳ້ລິນໃນປະຈຸບັນ ຢູ່ຫຼາຍປະເທດກ່ຽວຂ້ອງເຖິງການປ່ຽນແປງຂອງດິນຟ້າອາກາດ, ນຳ້ທະເລຊຶມເຂົ້າ, ຕິດທາດພິດ asen. ຈາກນັ້ນ, ສ້າງແຜນການພັດທະນາບັນດາໂຄງການຄົ້ນຄ້ວາ ແລະ ຮ່ວມມືເພື່ອແກ້ໄຂບັນດາບັນຫາກ່ຽວຂ້ອງເຖິງການພັດທະນານຳ້ລິນແບບຍືນຍົງໃນປະຈຸບັນ. ດຣ Adichat Surinkum, ຜູ້ອຳນວຍການຄະນະ CCOP, ຖືວ່າ: ໜຶ່ງໃນບັນດາມາດຕະການເພື່ອພັດທະນານ້ຳລິນແບບຍືນຍົງໄດ້ສ້າງກົນໄກ, ນະໂຍບາຍຢ່າງແຮງກ່ວາໃນການປົກປັກຮັກສາສິ່ງແວດລ້ອມ, ພິເສດແມ່ນບັນຫານຳ້, ຊຸກຍູ້ບັນດາໂຄງການຄຸ້ມຄອງ ແລະ ຂຸດຄົ້ນນຳ້ ລິນ, ຊີວະນາໆພັນ ແລະ ບັນດາພື້ນຖານໂຄງລ່າງກ່ຽວຂ້ອງເຖິງຂົງເຂດຄວບຄຸມມົນລະພິດ, ປົກປັກຮັກສາສິ່ງແວດລ້ອມ.