(vovworld) - ຕອນເຊົ້າວັນທີ 8/11, ຢູ່ຮ່າໂນ້ຍ, ໄດ້ດຳເນີນພິທີຕ້ອນຮັບທ່ານນາງນາຍົກລັດຖະມົນຕີແດນມາກ Helle Thorning Schmidt ເດີນທາງມາຢ້ຽມຢາມຫວຽດນາມ ຢ່າງເປັນທາງການ, ຕາມຄຳເຊີນຂອງທ່ານນາຍົກລັດຖະມົນຕີຫວຽດນາມ Nguyen Tan Dung. ຫຼັງຈາກນັ້ນ, ນາຍົກລັດຖະມົນຕີສອງທ່ານໄດ້ມີການເຈລະຈາ ແລະ ພ້ອມກັນເປັນສັກຂີພິຍານພິທີລົງນານບາງສັນຍາຮ່ວມມືລະຫວ່າງຫວຽດນາມ - ແດນມາກ. ແລະກໍໃນວັນດຽວກັນ, ທ່ານນາງນາຍົກລັດຖະມົນຕີແດນມາກ Helle Thorning Schmidt ໄດ້ເຂົ້າຢ້ຽມຂໍ່ານັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong, ທ່ານປະທານປະເທດ Truong Tan Sang.
ເນື່ອງໃນໂອກາດນີ້, ບັນດາໜັງສືພິມໃຫຍ່ຢູ່ຫວຽດນາມ ສະບັບອອກອັນທີ່ 8/11/2012 ໄດ້ລົງພິມບົດຊີ້ແຈ້ງໝາກຜົນຂອງການຮ່ວມມືລະຫວ່າງສອງປະເທດ. ໜັງສືພິມປະຊາຊົນ, ກະບອກສຽງຂອງພັກກອມມູນິດຫວຽດນາມ, ຢືນຢັນສາຍພົວພັນຮ່ວມມືມິດຕະພາບ ແລະ ການຮ່ວມມືຮອບດ້ານລະຫວ່າງຫວຽດນາມ - ແດນມາກ ນັບມື້ນັບພັດທະນາຢ່າງຕັ້ງໜ້າ. ປະເທດເອີລົບເໜືອນີ້ ປະຈຸບັນແມ່ນປະເທດໃຫ້ການອຸປະຖຳຫຼາຍທີ່ສຸດໃຫ້ແກ່ຫວຽດນາມ ໃນຂົງເຂດຮັບມືກັບການປ່ຽນແປງຂອງດິນຟ້າອາກາດ. ແດນມາກ ກໍແມ່ນປະເທດສະໜອງການຊ່ວຍເຫຼືອໃຫ້ແກ່ຫວຽດນາມ ເພື່ອກໍ່ສ້າງພື້ນຖານໂຄງລ່າງ, ລົບລ້າງຄວາມອຶດຫິວ, ປະຕິຮູບດ້ານບໍລິຫານ. ບົດນຳຂອງໜັງສືພິມກອງທັບປະຊາຊົນຫວຽດນາມ ໄດ້ຢືນຢັນວ່າ ຫວຽດນາມ ບໍ່ອາດຫຼົງລືມບຸນຄຸນຂອງແດນມາກ ເຊິ່ງແມ່ນສະຖານທິ່ເຄີຍມີຂະບວນການສະໜັບສະໜູນໃຫ້ການຕໍ່ສູ້ຍາດເອົາເອກະລາດ, ໂຮມປະເທດຊາດເປັນເອກະພາບຂອງຊາດຫວຽດນາມ. ປະຈຸບັນ, ແດນມາກ ພວມຕັ້ງໜ້າສະໜັບສະໜູນຫວຽດນາມ ໃນການປ່ຽນແປງໃໝ່ ແລະ ການເຊື່ອມໂຍງດ້ານເສດຖະກິສາກົນ.