ຊຸກຍູ້ການຮ່ວມມືເພື່ອນຳໃຊ້ແຫຼ່ງນ້ຳຍ່ານລຸ່ມແມ່ນ້ຳຂອງຢ່າງມີປະສິດທິຜົນ
(ພາບປະກອບ/TTXVN)
(vovworld) - ວັນທີ 04/11 ຢູ່ ຮ່າໂນ້ຍ, ສູນມະນຸດ ແລະ ທຳມະຊາດ (PanNature) ສົມທົບກັບອົງການສາກົນເພື່ອການອະນຸລັກທຳມະຊາດ (IUCN) ແລະ ສູນ Stimson ສົມທົບກັນຈັດຕັ້ງກອງປະຊຸມສຳມະນາ “ກາລະໂອກາດນຳໃຊ້ແຫຼ່ງນ້ຳໃນເຂດລຸ່ມແມ່ນ້ຳຂອງຢ່າງມີປະສິດທິຜົນ ແລະ ເຈາະຈິ້ມນະໂຍບາຍໃຫ້ ຫວຽດນາມ”. ທີ່ກອງປະຊຸມສຳມະນາ, ທ່ານ Jake Brunner ອົງການສາກົນເພື່ອການອະນຸລັກທຳມະຊາດ (IUCN) ເນັ້ນໜັກວ່າ: ເພື່ອນຳໃຊ້ແຫຼ່ງນ້ຳໃນພາກພື້ນຢ່າງມີປະສິດທິຜົນ, ການຮ່ວມມືລະຫວ່າງບັນດາຝ່າຍທີ່ນອນໃນເຂດລຸ່ມແມ່ນ້ຳຂອງມີບົດບາດສຳຄັນທີ່ສຸດ ນຳເອົາຜົນປະໂຫຍດມາໃຫ້ຝ່າຍຕ່າງໆ, ໃນນັ້ນ ຄວນເອົາໃຈໃສ່ເຖິງການພັດທະນາເຂື່ອນໄຟຟ້າ.
ຕາມທ່ານ ຫງວຽນເຍີນກວາງ, ນັກຊ່ຽວຊານຄຸ້ມຄອງເຂດລຸ່ມແມ່ນ້ຳ, ເພື່ອນຳໃຊ້ນ້ຳຢູ່ເຂດລຸ່ມແມ່ນ້ຳຂອງຢ່າງມີປະສິດທິຜົນ, ຫວຽດນາມ ຄວນສືບຕໍ່ຮັບເອົາ ແລະ ອັບເດັດຂໍ້ມູນຂ່າວ ກ່ຽວກັບບັນດາໂຄງການນຳໃຊ້ແຫຼ່ງນ້ຳໃນເຂດລຸ່ມແມ່ນ້ຳຂອງ ຕື່ມອີກໂດຍຜ່ານແຫຼ່ງຂ່າວຕ່າງໆ. ບັນດາອົງການທີ່ກ່ຽວຂ້ອງໃນບັນດາລະບອບການຮ່ວມມືແມ່ຂອງໃນພາກພື້ນ, ພິເສດແມ່ນ ຄະນະກຳມາທິການແມ່ນ້ຳຂອງ ແລະ ຄະນະກຳມະການແມ່ນ້ຳຂອງແຫ່ງຊາດຄວນເປັນເຈົ້າການຮັບເອົາຂໍ້ມູນຂ່າວ, ຮຽກຮ້ອງບັນດາປະເທດສະມາຊິກປະຕິບັດບັນດາຂໍ້ກຳນົດຂອງສັນຍາແມ່ຂອງ ໃນການແຈ້ງຂ່າວ, ທາບທາມຄວາມເຫັນສຳລັບບັນດາໂຄງການນຳໃຊ້ແຫຼ່ງນຳ້. ນອກນັ້ນ, ຫວຽດນາມຄວນເພີ່ມທະວີການປັບປຸງບັນດາລະບອບຮ່ວມມືແມ່ຂອງໃນປະຈຸບັນ, ສົມທົບກັບອົງການຕ່າງໆ, ກົນໄກຮ່ວມມືທີ່ກ່ຽວຂ້ອງອື່ນໆ, ເພື່ອຊຸກຍູ້ການຮ່ວມມືໃນພາກພື້ນ, ແນໃສ່ສ້າງກຳລັງແຮງສັງລວມ.