(ພາບປະກອບ)
(vovworld) - ຕອນບ່າຍວັນທີ 18/07, ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ຕ້ອນຮັບທ່ານນາງ Josephine Teo ລັດຖະມົນຕີຮັບຜິດຊອບຫ້ອງວ່າການສຳນັກງານນາຍົກລັດຖະມົນຕີ, ກະຊວງການຕ່າງປະເທດ ແລະ ກະຊວງຄົມມະນາຄົມ ສິງກະໂປ. ທ່ານ ຫງວຽນແທ່ງຟອງ ຢືນຢັນວ່າ: ນະຄອນ ໂຮ່ຈີມິນ ຈະສ້າງທຸກເງື່ອນໄຂສະດວກໃຫ້ບັນດາວິສາຫະກິດ ສິງກະໂປ ມາລົງທຶນຢູ່ນະຄອນ. ທ່ານ ຫງວຽນແທ່ງຟອງ ຫວັງວ່າ: ບັນດາວິສາຫະກິດ ສິງກະໂປ ຈະມີບັນດາການລົງທຶນ, ການຮ່ວມມືຕື່ມອີກໃນບັນດາຂົງເຂດຄື: ຄົມມະນາຄົມ, ຕົວເມືອງ ພິເສດຈະກໍ່ສ້າງກິດຈະກຳທີ່ມີນຳລັກສະນະສັນຍາລັກຢູ່ນະຄອນ ໂຮ່ຈີມິນ.
ສ່ວນທ່ານນາງ Josephine Teo ໃຫ້ຮູ້ວ່າ: ສິງກະໂປ ພ້ອມແລ້ວທີ່ຈະແບ່ງປັນບົດຮຽນພັດທະນາກັບນະຄອນ ໂຮ່ຈີມິນ. ທ່ານນາງ Josephine Teo ເຊື່ອໝັ້ນວ່າ: ໃນໄລຍະຈະມາເຖິງ ຈະມີວິສາຫະກິດ ສິງກະໂປ ຫລາຍແຫ່ງ ມາຮ່ວມມືພັດທະນາ ແລະ ລົງທຶນແຮງຢູ່ ຫວຽດນາມ ເວົ້າລວມ ກໍ່ຄືນະຄອນ ໂຮ່ຈີມິນ ເວົ້າສະເພາະ.