ຊຸກຍູ້ບັນດາການ ເຄື່ອນໄຫວພົວພັນ ແລກປ່ຽນ ຫວຽດນາມ - ອາເມລິກາ
(ພາບປະກອບ)
(vovworld) - ວັນທີ 25/04, ຢູ່ຮ່າໂນ້ຍ, ທ່ານ ຫງວຽນເຕີມຈ໋ຽນ, ຜູ້ຕາງໜ້າສະມາຄົມຫວຽດນາມ - ອາເມລິກາ ແລະ ສະຫະສະມາຄົມແມ່ຍິງຫວຽດນາມ ໄດ້ມີການພົບປະກັບຄະນະຜູ້ຊ່ວຍວຽກສະມາຊິກສະພາແຫ່ງຊາດອາເມລິກາ ເນື່ອງໃນໂອກາດຄະນະມາຢ້ຽມຢາມຫວຽດນາມ ແຕ່ວັນທີ 16 – 26/04, ເພື່ອແນໃສ່ຊອກຮູ້ສະພາບເສດຖະກິດ, ການເມືອງສັງຄົມ, ປະເທດຊາດ ແລະ ຊາວຫວຽດນາມ.
ທ່ານ ຫງວຽນເຕີມຈ໋ຽນ, ຜູ້ຕາງໜ້າສະມາຄົມຫວຽດນາມ - ອາເມລິກາ ໄດ້ແນະນຳໃຫ້ຄະນະຜູ້ຊ່ວຍວຽກສະມາຊິກສະພາແຫ່ງຊາດອາເມລິກາ ຮັບຊາບກ່ຽວກັບສະພາບການຫວຽດນາມ ໃນປະຈຸບັນ, ການເຄື່ອນໄຫວຂອງສະມາຄົມຫວຽດນາມ - ອາເມລິກາ ເພື່ອຊຸກຍູ້ການພົວພັນລະຫວ່າງປະຊາຊົນຫວຽດນາມ ແລະ ບັນດາປະເທດເວົ້າລວມ, ປະຊາຊົນອາເມລິກາ ເວົ້າສະເພາະ.
ບັນດາສະມາຊິກໃນຄະນະຜູ້ຊ່ວຍວຽກສະມາຊິກສະພາແຫ່ງຊາດອາເມລິກາ ຖືວ່າ, ຫວຽດນາມ ແລະ ອາເມລິກາ ຄວນສືບຕໍ່ພັດທະນາການພົວພັນຮ່ວມມືໃນຫຼາຍຂົງເຂດ, ໃນນັ້ນມີເສດຖະກິດ, ການຄ້າ ເພື່ອໃຫ້ບັນດາການຮ່ວມມືນັບມື້ນັບເຂົ້າສູ່ລວງເລິກ. ບັນດາສະມາຊິກກໍ່ຢືນຢັນວ່າ ເມື່ອກັບເມືອປະເທດ ຈະປຶກສາເພື່ອໃຫ້ບັນດາສະມາຊິກສະພາແຫ່ງຊາດອາເມລິກາ ເອົາໃຈໃສ່ເຖິງການພົວພັນຮ່ວມມືລະຫວ່າງອາເມລິກາ ແລະ ຫວຽດນາມ ກວ່າ; ສືບຕໍ່ຊຸກຍູ້ບັນດາການເຄື່ອນໄຫວພົວພັນແລກປ່ຽນເພື່ອແນໃສ່ປະກອບສ່ວນເພີ່ມທະວີຄວາມເຂົ້າໃຈ, ກໍ່ຄືເປີດບັນດາກາລະໂອກາດຮ່ວມມືລະຫວ່າງ 2 ຝ່າຍ.