ຊຸກຍູ້ບັນດາຂໍ້ລິເລີ່ມອະນຸລັກຮັກສາ, ສຶກສາ ແລະ ປົກປັກຮັກສາສິ່ງແວດລ້ອມອ່າວຮ້າລອງ
ຊຸກຍູ້ບັນດາຂໍ້ລິເລີ່ມອະນຸລັກຮັກສາ, ສຶກສາ ແລະ
ປົກປັກຮັກສາສິ່ງແວດລ້ອມອ່າວຮ້າລອງ
(vovworld) - ຕອນເຊົ້າວັນທີ 10/01 ຢູ່ແຂວງ ກວາງນິງ ໄດ້ດຳເນີນລາຍການ “ຊຸກຍູ້ບັນດາຂໍ້ລິເລີ່ມອະນຸລັກຮັກສາ, ສຶກສາ ແລະ ປົກປັກຮັກສາສິ່ງແວດລ້ອມອ່າວຮ້າລອງ”. ເຫດການນີ້ ນອນໃນຂອບເຂດໂຄງການ “ຂໍ້ລິເລີ່ມພັນທະມິດອ່າວ ຮ້າລອງ - ກາດບາ”, ຊຸກຍູ້ຂະບວນການປະດິດສ້າງບັນດາແນວຄວາມຄິດຂອງປະຊາຄົມ ເພື່ອແນໃສ່ປະກອບສ່ວນປົກປັກຮັກສາ ແລະ ພັດທະນາ ອ່າວຮ້າລອງ ໃຫ້ໝັ້ນຄົງ. ໂຄງການ “ຂໍ້ລິເລີ່ມພັນທະມິດ ຮ້າລອງ - ກາດບາ ເພື່ອແນໃສ່ຊຸກຍູ້ອົງການຈັດຕັ້ງທ້ອງຖິ່ນ ແລະ ປະຊາຄົມ” ໂດຍສູນ MCD ແລະ ບັນດາຄູ່ຮ່ວມມືຢູ່ແຂວງ ກວາງນິງ ສົມທົບກັນຜັນຂະຫຍາຍແຕ່ປີ 2014. ທ່ານ ດັ້ງຮູຍເຮົ້າ ຮອງປະທານຜູ້ປະຈການຳຄະນະກຳມະການປະຊາຊົນແຂວງ ກວາງນິງ ຖືວ່າ:
“ພວກເຮົາມີຄວາມເບີກບານມ່ວນຊື່ນ ຍ້ອນໄດ້ເຫັນປະຈັກຕາເຫດການທີ່ມີຄວາມໝາຍຢ່າງໃຫຍ່ຫລວງ ນັ້ນແມ່ນພັນທະມິດ ກາດບາ - ຮ້າລອງ ດ້ວຍເປົ້າໝາຍ ເພື່ອແນໃສ່ປັບປຸງສະພາບແວດລ້ອມ ອ່າວຮ້າລອງ ແນໃສ່ຮັບໃຊ້ໃຫ້ແກ່ການພັດທະນາເສດຖະກິດ - ສັງຄົມ ເທື່ອລະກ້າວ, ພິເສດແມ່ນ ຄວາມຕ້ອງການໄປທັດສະນະສຶກສາ ແລະ ທ່ອງທ່ຽວຂອງປະຊາຊົນພາຍໃນປະເທດ ແລະ ສາກົນ. ນີ້ແມ່ນລານການເປີດສາກໃຫ້ບັນດາເຫດການລາຍການຕໍ່ໄປ ເພື່ອປົກປັກຮັກສາທັດສະນີຍະພາບອ່າວ ຮ້າລອງ.”