ການປະຊຸມຂ່າວ “ຊຸມວັນເອີລົບຢູ່ ຫວຽດນາມ 2016”
(ພາບ: dangcongsan)
(vovworld) – “ຊຸມວັນເອີລົບ 2016” ຢູ່ ຫວຽດນາມ ຄັ້ງທີ 6 ດຳເນີນໃນລະຫວ່າງວັນທີ 09/05 – 09/06/2016 ໂດຍຄະນະຜູ້ຕາງໜ້າສະຫະພາບ ເອີລົບ ປະຈຳ ຫວຽດນາມ, ສະຖານທູດບັນດາປະເທດເປັນສະມາຊິກສະຫະພາບ ເອີລົບ ປະຈຳ ຫວຽດນາມ ພ້ອມກັບສະຖາບັນວັດທະນະທຳ ເອີລົບ ສົມທົບກັນຈັດຕັ້ງ. “ຊຸມວັນເອີລົບຢູ່ ຫວຽດນາມ” ລວມມີບັນດາການເຄື່ອນໄຫວຫລາຍຮູບຫລາຍແບບ, ປະສານສົມທົບລະຫວ່າງ ດົນດີ, ຮູບເງົາ, ກິລາ…ຖືກດຳເນີນຢູ່ ຮ່າໂນ້ຍ, ດ່າໜັງ, ນະຄອນ ໂຮ່ຈີມິນ ຢ່າງລຽນຕິດ. ການສະແດງດົນຕີມີຫົວຂໍ້ ການພົບປະ ເອີລົບ - ອາຊີ ໃນສຽງດົນຕີJazz ດຳເນີນໃນເວລາ 20ໂມງ00 ວັນທີ 9 ແລະ ວັນທີ 10/05 ຢູ່ໂຮງລະຄອນໃຫຍ່ຮ່າໂນ້ຍ, ວັນທີ 11/05 ຢູ່ໂຮງລະຄອນໃຫຍ່ນະຄອນ ໂຮ່ຈີມິນ. “ຊຸມວັນ ເອີລົບ 2016” ຢູ່ ຫວຽດນາມ ຍັງມີບັນດາເຫດການທີ່ໜ້າສົນໃຈອື່ນນັ້ນແມ່ນ: ກອງປະຊຸມສຳມະນາ “ການຮ່ວມມື ຫວຽດນາມ - ສະຫະພາບ ເອີລົບ: ແບ່ງປັນບົດຮຽນ ຮັບມືກັບບັນດາສິ່ງທ້າທາຍລວມໃນຂົງເຂດເຕີບໂຕຂຽວ ແລະ ພັດທະນາແບບຍືນຍົງ”; ຊຸມວັນວິທະຍາສາດ ເຕັກໂນໂລຢີ ແລະ ຫົວຄິດປະດິດສ້າງ ອາຊຽນ - ສະຫະພາບ ເອີລົບ.