( vovworld ) - ວັນທີ 10/6, ສະພາຊົນຊາດຊີຣີ ( SNC ), ກຸ່ມຝ່າຍຄ້ານຕົ້ນຕໍ່ຢູ່ຊີຣີ, ໄດ້ເລືອກຕັ້ງທ່ານ Abdelbasset Sida ເປັນປະທານຂອງ SNC ໃນກອງປະຊຸມຢູ່ Istanbul, ປະເທດຕວກກີ. ພາຍຫຼັງໄດ້ຮັບເລືອກຕັ້ງເປັນປະທານ, ທ່ານ Sida ຖະແຫຼງວ່າ ຈະໃຫ້ບຸລິມະສິດເລື່ອງປະຕິຮູບ ແລະ ເປີດກວ້າງ SNC, ຈັດຕັ້ງບັນດາການເຈລະຈາກັບຝ່າຍຄ້ານອື່ນ ເພື່ອຂົນຂວາຍເຂົາເຈົ້າ ເຂົ້າຮ່ວມ SNC. ຫຼັງເຈາກນັ້ນໜຶ່ງເດືອນ, ທ່ານ Sida ຈະໂຮມກອງປະຊຸມຄົບຄະນະ SNC. ກອງປະຊຸມຄົບຄະນະນີ້ອາດຈະເລືອກຕັ້ງຄະນະເລຂາໃໝ່ ແລະ ປະທານຄົນໃໝ່ ແລະ ທ່ານ Sida ອາດຈະຮັບຕຳແໜ່ງເປັນການນຳຊົ່ວຄາວ. ບັນດາແຫຼ່ງຂ່າວຈາກຝ່າຍຄ້ານໄດ້ຖືວ່າ ເລື່ອງທ່ານ Sida ເປັນປະທານ SNC ຈະຊ່ວຍດຶງດູດຊາວ ເຄີດ ເຂົ້າຮ່ວມການລູກຮື້ຂຶ້ນເຊິ່ງຖືກແກ່ຍາວເປັນເວລາ 15 ເດືອນທີ່ຜ່ານມາຢູ່ຊີຣີ. ປະຈຸບັນຊາວ ເຄີດ ພວມກວມເອົາ 1 ລ້ານຄົນຈຳນວນປະຊາກອນ 21 ລ້ານຄົນຂອງຊີຣີ.