(vovworld) – ວັນທີ 4/6, ທ່ານ ພັນຕີ Sami al Kurdi, ໂຄສົກສະພາການທະຫານຂອງກຳລັງຝ່າຍຄ້ານ ຢູ່ຊີຣີ ໄດ້ຖະແຫຼງວ່າ: ກຳລັງນີ້ ບໍ່ປະຕິບັດຄຳໝັ້ນສັນຍາ ຕໍ່ແຜນການສັນຕິພາບຂອງທູດພິເສດລວມສະຫະປະຊາຊາດ - ສະຫະພັນ ອາຣັບ (ຫຼື AL) ທ່ານ Kofi Annan ເພາະແຜນການນີ້ ບໍ່ສາມາດເຮັດໃຫ້ສະພາບການໃຊ້ຄວາມຮຸນແຮງທີ່ນອງເລືອດ ຢູ່ຊີຣີ ຢຸດຕິລົງໄດ້. ທ່ານ Sami al Kurdi ກໍຖືວ່າ: ຄະນະຜູ້ສັງເກດການຂອງສະຫະປະຊາຊາດ ຢູ່ປະເທດນີ້ ຕ້ອງກາຍເປັນ “ຄະນະປັບປຸງສັນຕິພາບ” ຫຼື ວົງຄະນະຍາດສາກົນຄວນມີບັນດາຄຳຕັດສິນຢ່າງແຂງແຮງຄື: ຈັດວາງເຂດຫ້າມບິນ ຫຼື ສ້າງເຂດສຳຮອງ ເພື່ອແກ້ໄຂວິກິດການຢູ່ປະເທດນີ້.