(vovworld) - ຊີຣີ ຍົກອອກຂໍ້ສະເໜີໃໝ່ກ່ຽວກັບການທຳລາຍສາງອາວຸດເຄມີ, ຕາມນັ້ນແລ້ວ, ຊີຣີ ຈະຂົນສົ່ງບັນດາອາວຸດເຄມີອອກຈາກປະເທດຕາເວັນອອກາງນີ້ໃຫ້ສຳເລັດ ກອ່ນກາງເດືອນ 4 ທີ່ຈະມາເຖິງ. ກ່າວຄຳເຫັນຕໍ່ວົງການນັກຂ່າວເມື່ອວັນທີ 25/02, ພາຍຫຼັງຂໍ້ສະເໜີຂອງຊີຣີ, ທ່ານຜູ້ອຳນວຍການໃຫຍ່ OPCW Ahmet Uzumcu ໃຫ້ຮູ້ວ່າ ທ່ານມີຄວາມປະເອີບໃຈວ່າ ແຜນການຍົກຍ້າຍຈະສາມາດປະຕິບັດໄດ້. ແຕ່ທ່ານກໍ່ຖືວ່າ, ຮອດທ້າຍເດືອນ 6 ຫຼື ຊ້າກວ່າໜ້ອຍໜຶ່ງຈຳນວນອາວຸດເຄມີດັ່ງກ່່າວຈຶ່ງທຳລາຍໝົດໄດ້. ສະພາບໍລິຫານ OPCW ຈະປຶກສາຫາລືກ່ຽວກັບຂໍ້ສະເໜີໃໝ່ຂອງຊີຣີ.
ພາຍຫຼັງທີ່ບໍ່ສາມາດປະຕິບັດຖືກຕາມກຳນົດເວລາສຸດທ້າຍກ່ຽວກັບການຂົນສົ່ງອາວຸດເຄມີທັງໝົດອອກຈາກຊີຣີໃນວັນທີ 05/02, ຊີຣີ ສະເໜີແກ່ຍາວເວລາຕື່ມອີກ 100 ວັນເພື່ອຂົນສົ່ງຈຳນວນອາວຸດເຄມີນີ້, ຮອດທ້າຍເດືອນ 5 ຈຶ່ງສຳເລັດ ແລະ ຖ້າຄືແນວນັ້ນ ຈະບໍ່ມີເວລາຢ່າງພຽງພໍເພື່ອທຳລາຍສາງອາວຸດເຄມີໃຫ້ສຳເລັດໃນທ້າຍເດືອນ 6 ໄດ້. ປະຈຸບັນ OPCW ແລະ ສະຫະປະຊາຊາດ ຍັງກໍ່ຄວາມກົດດັ່ນເພື່ອຖອນເວລາຂົນສົ່ງອາວຸດເຄມີອອກຈາກຊີຣີ.