ຊີຣີ ຢັ້ງຢືນມີແຮງສັ່ນສະເທືອນຂອງແຜ່ນດິນໄຫວຂະໜາດໃຫຍ່ເກີດຂຶ້ນຢ່າງຕໍ່ເນື່ອງຢູ່ເຂດຕາເວັນຕົກສ່ຽງເໜືອ
(VOVWORLD) - ຕອນຄ່ຳວັນທີ 16 ກຸມພາ, ມີແຮງສັ່ນສະເທືອນຂອງແຜ່ນດິນໄຫວ ດ້ວຍຄວາມແຮງ 5,4 ຣິກເຕີ ໄດ້ເກີດຂຶ້ນຢູ່ແຂວງ Idlib, ພາກຕາເວັນຕົກສ່ຽງເໜືອ ຊີຣີ. ຈຸດໃຈກາງຂອງເຫດແຜ່ນດິນໄຫວດັ່ງກ່າວແມ່ນຢູ່ຫ່າງຈາກນະຄອນ Idlib, ເມືອງເອກຂອງແຂວງ 61 Km.
 ສະພາບການຢູ່ Aleppo, ຊີຣີ ໃນວັນທີ 8/2/2023 ພາຍຫຼັງເກີດແຜ່ນດິນໄຫວ (ພາບ: THX/TTXVN) |
ຢູ່ນະຄອນຫຼວງ Damascus ຂອງ ຊີຣີ ແລະ ແຂວງພາກເໜືອ Aleppo ກໍຮູ້ສຶກໄດ້ແຮງສັ່ນສະເທືອນດັ່ງກ່າວ. ຖັດຈາກນັ້ນ, ມີແຮງສັ່ນສະເທືອນແຜ່ນດິນໄຫວອື່ນ ທີ່ມີຄວາມແຮງ 3,4 ຣິກເຕີ ເກີດຂຶ້ນຢູ່ແຂວງແຄມທະເລ Latakia, ພາກຕາເວັນຕົກສ່ຽງເໜືອຂອງປະເທດນີ້. ຈຸດໃຈກາງຂອງແຜ່ນດິນໄຫວນີ້ ມີຄວາມເລິກ 46 Km ແລະ ຫ່າງຈາກນະຄອນ Latakia - ເມືອງເອກຂອງແຂວງ ປະມານ 50 Km. ປັດຈຸບັນ, ຍັງບໍ່ທັນມີຂໍ້ມູນຄວາມເສຍຫາຍກ່ຽວກັບຜູ້ຊົນ.
ພາກຕາເວັນຕົກສ່ຽງເໜືອ ຊີຣີ ແມ່ນເຂດໄດ້ຮັບຜົນສະທ້ອນຢ່າງໜັກໜ່ວງຈາກເຫດແຜ່ນດິນໄຫວທີ່ມີຄວາມແຮງ 7,8 ຣິກເຕີ ແລະ ຕໍ່ຈາກນັ້ນແມ່ນແຮງສັ່ນສະເທືືອນຂອງແຜ່ນດິນໄຫວທີ່ເກີດຂຶ້ນຢູ່ພາກໃຕ້ ຕວກກີ ໃນວັນທີ 6 ກຸມພາ.