ປະເທດຕວກກີ
(ພາບ:vnschool.net)
( vovworld ) – ກອງທັບອາກາດຊີຣີ ໄດ້ມີປະຕິກິລິຍາໃນທັນທີ ຂະນະທີ່ເຮືອບິນລຳໜື່ງຂອງຕວກກີ ທີ່ບິນໃນເຂດນ່ານຟ້າຂອງຊີຣີ ຍ້ອນວ່າ ນີ້ແມ່ນການລະເມີດອະທິປະໄຕຂອງຊີຣີ ຢ່າງຈະແຈ້ງ. ວັນທີ 25/6, ໂຄສົກກະຊວງການຕ່າງປະເທດຊີຣີ Jihad Makdissi ໃຫ້ຮູ້ວ່າ: ເຮືອບິນ Phantom F4 ຂອງຕວກກີ ຖືກຍິງຕົກດ້ວຍປືນຍິງຍົນ. ທ່ານກໍ່ຖືວ່າ, ບໍ່ທັນສາມາດເວົ້າໄດ້ວ່າ ເຫດການດັ່ງກ່າວຈະສົ່ງຜົນສະທ້ອນຄືແນວໃດເຖິງສາຍພົວພັນລະຫວ່າງສອງປະເທດບ້ານໃກ້ເຮືອນຄຽງທີ່ເຄີຍ ເປັນພັນທະມິດ ແລະ ຢືນຢັນວ່າ ຊີຣີ ຍັງໃຫ້ຄຳໝັ້ນສັນຍາຈະຮັກສາສາຍພົວພັນຖານບ້ານໃກ້ເຮືອນຄຽງກັບຕວກກີ ໄວ້ຄືເກົ່າ.
ໃນວັນດຽວກັນ, ກະຊວງການຕ່າງປະເທດລັດເຊຍ ໄດ້ອອກຖະແຫຼງການຮຽກຮ້ອງໃຫ້ນາໂຕ ບໍ່ໄດ້ໃຫ້ສະພາບການຢູ່ຊີຣີ ເຄັ່ງຕຶງຂຶ້ນຕື່ມ. ສຳນັກຂ່າວສານ Ria Novosti ຂອງລັດເຊຍ ໄດ້ຄັດສະເໜີຄຳເວົ້າຂອງທ່ານ Alexander Glushko ຮອງລັດຖະມົນຕີກະຊວງການຕ່າງປະເທດລັດເຊຍ ໂດຍໃຫ້ຮູ້ວ່າ ຄວາມເຄັ່ງຕຶງຢູ່ຊີຣີ ອາດຈະປີ້ນຂັ້ນໃດ.
ກ່ຽວຂ້ອງເຖິງຊີຣີ, ຍັງມີຂ່າວໃຫ້ຮູ້ວ່າ, ວັນທີ 25/6, ບັນດາທ່ານລັດຖະມົນຕີກະຊວງການຕ່າງປະເທດສະຫະພາບເອີລົບ ໄດ້ກ່າວປະນາມເລື່ອງຊີຣີ ຍິງເຮືອບິນສອດແນມຂອງຕວກກີ ຕົກ ແລະ ປະກາດວ່າ, ສະຫະພາບເອີລົບ ຈະເພີ່ມທະວີການລົງໂທດ ເພື່ອແນໃສ່ກໍ່ກຳລັງດັນຕໍ່ປະທານາທິບໍດີຊີຣີ Bashar al Assad.