ຊີຣີແລະອີຣັກເພີ່ມທະວີການຮ່ວມມືຕ້ານກໍ່ການຮ້າຍ
ເທດສະບານ Qayyarah ເມື່ອທະຫານ ອີຣັກ ຍາດໄດ້ສິດຄວບຄຸມຈາກກຳມື IS
(ພາບ: AFP/TTXVN)
(vovworld) – ວັນທີ 25/8, ທ່ານລັດຖະມົນຕີການຕ່າງປະເທດ ຊີຣີ Walid al – Muallem ມີການພົບປະກັບຄູ່ຕຳແໜ່ງປະເທດເຈົ້າພາບ Ibrahim al – Jaafari ຢູ່ນະຄອນຫຼວງ ແບັກແດດ ຂອງ ອີຣັກ ເພື່ອແນໃສ່ປຶກສາຫາລືກ່ຽວກັບການເພີ່ມທະວີການຮ່ວມມື 2 ຝ່າຍໃນບັ້ນຮົບຕ້ານການກໍ່ການຮ້າຍເວົ້າລວມ ແລະ ກຳລັງ “ລັດອິດສະລາມ” (IS) ອ້າງຊື່ເອງ ເວົ້າສະເພາະ. ກ່າວຄຳເຫັນຕໍ່ວົງການນັກຂ່າວ, ທ່ານລັດຖະມົນຕີການຕ່າງປະເທດ ຊີຣີ al – Muallem ສະແດງການສະໜັບສະໜູນຂອງ Damascus ສຳລັບ ອີຣັກ ໃນບັ້ນຮົບຕ້ານການກໍ່ການຮ້າຍ, ພ້ອມທັງຊົມເຊີຍໄຊຊະນະຂອງກອງທັບປະເທດນີ້ຢູ່ນະຄອນ Fallujah. ຄຽງຄູ່ກັນນັ້ນ, ທ່ານ al – Muallem ໃຫ້ຮູ້ວ່າ 2 ຝ່າຍກໍ່ໄດ້ປຶກສາຫາລືກ່ຽວກັບບັ້ນຮົບຕ້ານການກໍ່ການຮ້າຍຢູ່ຊີຣີ. ສ່ວນທ່ານລັດຖະມົນຕີການຕ່າງປະເທດ ອີຣັກ al – Jaafari ສະແດງຄວາມຫວັງເພີ່ມທະວີການຮ່ວມມືກັບ ຊີຣີ ກໍ່ຄືບັນດາປະເທດ ອາຣັບ ໃນບັ້ນຮົບຕ້ານການກໍ່ການຮ້າຍຢູ່ພາກພື້ນ. ຜູ້ນຳໜ້າຂະແໜງການທູດ ອີຣັກ ຢັ້ງຢືນມາດຕະການດີທີ່ສຸດເພື່ອຮັບມືກັບການກໍ່ການຮ້າຍແມ່ນເພີ່ມທະວີຄວາມສາມັກຄີລະຫວ່າງ 2 ປະເທດ, ບໍ່ພຽງແຕ່ໃນຂົງເຂດການທະຫານເທົ່ານັ້ນ ຫາກຍັງກ່ຽວກັບດ້ານເສດຖະກິດ, ການບໍລິການ ແລະ ການທູດອີກດ້ວຍ.