![ຊ່ວຍບັນເທົາທຸກຢ່າງຮີບດ່ວນເພື່ອແກ້ໄຂຜົນຮ້າຍຈາກໄພແຫ້ງແລ້ງ,ນ້ຳທະເລຊຶມ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2016_03_18/1111.jpg)
(ພາບປະກອບ)
(vovworld) – ວັນທີ 18/03, ສູນກາງສະພາກາແດງ ຫວຽດນາມ ຕົກລົງຊ່ວຍບັນເທົາທຸກໃນເບື້ອງຕົ້ນຢ່າງຮີບດ່ວນໃຫ້ແກ່ປະຊາຊົນ 11 ແຂວງພາກກາງ, ໄຕງວຽນ ແລະ ທົ່ງພຽງແມ່ນນ້ຳຂອງທາງພາກໃຕ້ ຫວຽດນາມ ເພື່ອແກ້ໄຂຜົນຮ້າຍຈາກໄພແຫ້ງແລ້ງ ແລະ ນ້ຳທະເລຊຶມ. ທ່ານ ດ່ວານວັນທ໋າຍ ຮອງປະທານ, ເລຂາທິການໃຫຍ່ສູນກາງສະພາກາແດງ ຫວຽດນາມ ໃຫ້ຮູ້ວ່າ:
“ເລື່ອງທຳອິດແມ່ນຊ່ວຍບັນເທົາທຸກຢ່າງຮີບດ່ວນ, ຫລັງຈາກນັ້ນຕີລາຄາ, ສຳຫລວດຕົວຈິງຄວາມຕ້ອງການ ແລະ ໜູນຊ່ວຍການທຳມາຫາກິນເພື່ອເງິນລ້ຽງຊີບໃນໄລຍະຟື້ນຟູການດຳລົງຊີວິດ. ພ້ອມນັ້ນພວກຂ້າພະເຈົ້າໜູນຊ່ວຍນ້ຳດື່ມໃຫ້ປະຊາຊົນ. ນັບແຕ່ມື້ນີ້ຮອດວັນທິດ, ນ້ຳດື່ມຂອງສະພາກາແດງຈະສົ່ງເຖິງ 1000 ຄອບຄົວຢູ່ແຕ່ລະແຂວງທີ່ປະກາດໄພທຳມະຊາດ”.