(vovworld) – ບໍລິເວນວັດທະນະທຳທີ່ມີຊື່ວ່າ “Casa ອີຕາລີ” – “ສູນວັດທະນະທຳ ແລະ ເຄື່ອງໝາຍການຄ້າ ອີຕາລີ” ຫາກໍ່ນຳເຂົ້າເຄື່ອນໄຫວເມື່ອຕອນບ່າຍວັນທີ 12/4, ຢູ່ ຮ່າໂນ້ຍ, ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ອີຕາລີ ແລະ ໃນຂອບເຂດ “ປີ ອີຕາລີ ຢູ່ ຫວຽດນາມ”. “ສູນວັດທະນະທຳ ແລະ ເຄື່ອງໝາຍການຄ້າ ອີຕາລີ” ຍັງເອີ້ນຢ່າງສະໜິດສະໜົມດ້ວຍຊື່ວ່າ: “ຊາຍຄາ ອີຕາລີ” - ເຊິ່ງແມ່ນສະຖານທີ່ເພື່ອແນະນຳວັດທະນະທຳ, ພາສາ, ຜະລິດຕະພັນ ແລະ ວິຖີຊີວິດຂອງ ອີຕາລີ ກັບປະຊາຊົນ ຫວຽດນາມ. ກ່າວຄຳເຫັນທີ່ພິທີເປີດສະຫຼອງ, ທ່ານລັດຖະມົນຕີກະຊວງວັດທະນະທຳ ກິລາ ແລະ ທ່ອງທ່ຽວ ຫວຽດນາມ ຮ່ວາງຕວນແອງ ຢືນຢັນວ່າ:
“ຊາຍຄາ ອີຕາລີ ໄດ້ຮັບການສ້າງຕັ້ງຂຶ້ນເພື່ອແນໃສ່ແນະນຳບັນດາຈຸດວັດທະນະທຳທີ່ເປັນເອກະລັກສະເພາະຂອງ ອີຕາລີ ເຖິງ ຫວຽດນາມ. ໃນອະນາຄົດໃກ້ໆນີ້, ມີເຫດການຕ່າງໆທີ່ແນະນຳກ່ຽວກັບວັດທະນະທຳ, ປະເທດຊາດ, ຊາວ ອີຕາລີ ຖືກຈັດຕັ້ງຂຶ້ນຢູ່ທີ່ນີ້ ຈະແມ່ນຂົວເຊື່ອມຕໍ່ບັນດາຄຸນຄ່າວັດທະນະທຳຂອງ 2 ຊາດ, ປະກອບສ່ວນເພີ່ມທະວີຄວາມສາມັກຄີມິດຕະພາບລະຫວ່າງ 2 ປະເທດ.”