ຊາວຊີຣີຮັບຮອງເອົາລັດຖະທຳມະນູນສະບັບໃໝ່.
ປະທານາທິບໍດີ Bashar al Assad ປ່ອນບັດຮັບຮອງເອົາລັດຖະທຳມະນູນສະບັບໃໝ່
(ພາບ: internet)
Vovworld- ສະຖານີໂທລະພາບແຫ່ງຊາດຊີຣີໄດ້ໃຫ້ຂ່າວເມື່ອຕອນຄ່ຳວັນທີ 27 ກຸມພາວ່າ: ໃນການລົງປະຊາມະຕິເມື່ອວັນທີ 26 ກຸມພາ, ມີຜູ້ມີສິດເລືອກຕັ້ງປະມານ 80% ຂອງປະເທດນີ້ໄດ້ປ່ອນບັດເຫັນດີສະໜັບສະໜູນລັດຖະທຳ ມະນູນໃໝ່ໂດຍປະທານາທິບໍດີ Bashar al Assad ນຳສະເໜີ. ບັນດາການປະຕິຮູບລັດຖະທຳມະນູນແມ່ນໜຶ່ງໃນບັນດາຄວາມມານະພະຍາຍາມຂອງ ປະທານາ ທິບໍດີ Bashar al Assad ເພື່ອແນໃສ່ຢຸດຕິກະແສຟອງແຫ່ຂະບວນປະທ້ວງ ແລະ ການໃຊ້ຄວາມຮຸນແຮງທີ່ແກ່ຍາວເປັນເວລາ 11 ເດືອນທີ່ຜ່ານມາຢູ່ປະເທດນີ້. ເອກະສານສະບັບນີ້ກຳນົດວ່າ: ປະທານາທິບໍດີ ຊີຣີໄດ້ຮັບການເລືອກຕັ້ງໂດຍກົງ, ສາມາດດຳລົງຕຳແໜ່ງຫຼາຍສຸດແມ່ນໃນ 2 ອາຍຸການ, ແຕ່ລະອາຍຸການແມ່ນ 7 ປີ. ກ່ອນໜ້ານັ້ນ, ປະທານາທິບໍດີ Bashar al Assad ໄດ້ໝັ້ນໝາຍຈະດຳເນີນການເລືອກຕັ້ງທົ່ວປະເທດໃນຮອບເວລາ 90 ວັນຖ້າຫາກວ່າຜູ້ມີສິດເລືອກຕັ້ງຊີຣີຮັບຮອງເອົາລັດຖະທຳມະນູນໃໝ່ນີ້. ສື່ມວນຊົນຊີຣີຖືວ່າ: ຜົນຂອງການລົງປະຊາມະຕິໄດ້ສະທ້ອນໃຫ້ເຫັນຄວາມຕັດສິນໃຈປະຕິບັດບັນດາໂຄງການປະຕິຮູບຂອງປະຊາຊົນ. ໃນຂະນະນັ້ນ, ຝ່າຍຄ້ານຖືວ່າ: ລັດຖະທຳມະນູນສະບັບນີ້ ຍັງບໍ່ທັນມີການປັບປຸງເທົ່າທີ່ຄວນ. ນັບທັງບັນດາພັກຝ່າຍຄ້ານຢູ່ ຊີຣີ ແລະ ຝ່າຍຕາເວັນຕົກລ້ວນແຕ່ປະຕິເສດບັນດາຂໍ້ສະເໜີປະຕິຮູບຂອງປະທານາທິບໍດີ Bashar al Assad ແລະ ກ່າວຫາວ່າ ການລົງປະຊາມະຕິ ແມ່ນການຫຼອກລວງ.