ຊາວນະຄອນຫລວງຮ່າໂນ້ຍສັ່ງລາພົນເອກຫວໍ້ງວຽນຢາບ
(vovworld)- ພາຍຫລັງອອກຈາກຫໍຈັດພິທີງານສົບແຫ່ງຊາດ, ຂະບວນລົດນຳສົ່ງໂລງສົບພົນເອກ ຫວໍ້ງວຽນຢາບ ໄປຜ່ານສາຍທາງຕ່າງໆຄື: ເຈີນແທງຕົງ, ຈາງຕຽນ, ຮ່າງໄຄ, ຈາງທີ, ດ້ຽນບຽນຝູ, ຮ່ວາງຢ້ຽວ… ໄປເຖິງສະຫນາມບິນສາກົນ ໂນ້ຍບາຍ. ການສັ່ງລາ ພົນເອກ ຫວໍ້ງວຽນຢາບ ຂອງຊາວນະຄອນຫລວງ ຮ່າໂນ້ຍ ເຕັມໄປດ້ວຍຄວາມຕື້ນຕັນໃຈທີ່ສຸດ.
ຊາວນະຄອນຫລວງ ຮ່າໂນ້ຍ ສັ່ງລາພົນເອກຫວໍ້ງວຽນຢາບ
ພາບ:baomoi.com
|
ນັບແຕ່ຮຸ່ງເຊົ້າ ຢູ່ລຽບຕາມຖະຫນົນ 12 ສາຍ ຢູ່ນະຄອນຫລວງ ຮ່າໂນ້ຍ ບ່ອນທີ່ຂະບວນລົດນຳສົ່ງໂລງສົບໄປຜ່ານ, ຊາວຮ່າໂນ້ຍທຸກຊັ້ນວັນນະ ແລະ ປະຊາຊົນບັນດາແຂວງ, ນະຄອນໃນທົ່ວປະເທດ ໄດ້ຢືນເປັນລະບຽບຮຽບຮ້ອຍຢູ່ສອງຟາກທາງ. ມີຫລາຍຄົນນຳເອົາຮູບພາບພົນເອກ ພົນເອກ ຫວໍ້ງວຽນຢາບ, ຮູບພາບປະທານໂຮ່ຈິມີນ ແລະ ທຸງຊາດ, ດອກໄມ້ ລໍຖ້າເພື່ອສັ່ງລາ ພົນເອກ ຫວໍ້ງວຽນຢາບຄັ້ງສຸດທ້າຍ. ທ່ານ ຟ້າມວັນເລີມ ຢູ່ ຕາແສງ ກວານແທງ ເມືອງ ບາດີງ ຮ່າໂນ້ຍ ຮູ້ສຶກທຸກໂສກເສຍດາຍທີ່ສຸດ ນຳ້ຕາໄຫລອອກເມື່ອລົດນຳສົ່ງໂລງສົບ ພົນເອກ ຫວໍ້ງວຽນຢາບໄປຜ່ານ.
“ຂ້າພະເຈົ້າກໍຄືຊາວຫວຽດນາມນັບລ້ານຄົນ ມີຄວາມເຄົາລົບນັບຖື, ຮັກແພງລຸງຢາບທີ່ສຸດ. ຂ້າພະເຈົ້າມານີ້ເພື່ອສ່ັງລາລຸງ. ຂ້າພະເຈົ້າຂໍໃຫ້ດວງວິນຍານຂອງເພີ່ນໄປສູ່ ສຸຄະຕິເຖີ້ນ ແລະຊ່ວຍດົນບັນດານໃຫ້ແກ່ປະເທດຊາດຫວຽດນາມນັບມື້ນັບວັດທະນາຖາວອນ.”
ຢູ້ສອງຟາກທາງຈາກຫໍຈັດພິທີງານສົບໄປເຖິງສະຫນາມບິນໂນ້ຍບາຍ ຜ່ານໄລຍະທາງ 12 ສາຍ ຢູ່ນະຄອນຫລວງ ຮ່າໂນ້ຍ, ມີຊາວຮ່າໂນ້ຍນັບໝື່ນໆຄົນໄດ້ມີຫນ້າເພື່ອສັ່ງລາພົນເອກ ຫວໍ້ງວຽນຢາບ.