(vovworld) – ວັນທີ 5/2, ຢູ່ທ່າກຳປັ່ນ ຊາກີ່, ສະມາຄົມອາຊີບຫາປາຕາແສງ ບີ່ງເຈົາ, ເມືອງ ບີ່ງເຊີນ (ແຂວງ ກວາງຫງາຍ) ໄດ້ຈັດຕັ້ງພິທີເລີ່ມເດີນທາງອອກສູ່ທະເລຫາສິນທະເລໃນຕົ້ນປີ 2014.
ກຳປັ່ນຫາປານັບຮ້ອຍລຳ, ໃນນັ້ນມີກຳປັ່ນຫາປາໄກຝັ່ງກ່ວາ 80 ລຳ ໄດ້ກະກຽມຢ່າງລອບຄອບຖີ່ຖ້ວນເພື່ອຫາປາໃນເວລາຫຼາຍມື້ຢູ່ທະເລ.
ແລະກໍ່ໃນວັນດຽວກັນ, ຢູ່ ລັງແຈ໋ງ, ບ້ານດົງ, ຕາແສງ ອານຫວີງ, ເມືອງເກາະ ຫຼີເຊີນ, ສະມາຄົມອາຊີບຫາປາຕາແສງ ອານຫວີງ ກໍ່ໄດ້ຈັດຕັ້ງພິທີເລີ່ມເດີນທາງອອກສູ່ທະເລຫາປາໃນຕົ້ນປີໃໝ່. ນີ້ແມ່ນພິທີຖືກຈັດຕັ້ງຕາມມູນເຊື້ອຂອງຊາວປະມົງ ຫຼີເຊີນເວົ້າລວມ ແລະ ຕາແສງ ອານຫວີງເວົ້າສະເພາະ, ດ້ວຍຄວາມປາດຖະໜາວ່າອາກາດຈະເອື້ອອຳນວຍຄວາມສະດວກ ແລະ ການຫາປາໄດ້ຮັບຜົນດີ.
ກ່ອນໜ້ານັ້ນ, ບັນດາສະມາຄົມອາຊີບຫາປາຕາແສງ ໂຝແທ້ງ, ເມືອງ ດຶກໂຝ ແລະ ຕາແສງ ເຫງຍອານ, ເມືອງ ຕືເຫງຍ ກໍ່ໄດ້ຈັດຕັ້ງພິທີເດີນທາງອອກສູ່ທະເລຫາປາໃນຕົ້ນປີ 2014.