ຊາວຫນຸ່ມ-ນັກສຶກສາຫວຽດນາມຢູ່ອາເມລິກາອ່ວາຍຫນ້າເມືອຫາບ້ານເກີດເມືອງນອນ
ນັກສຶກສາ,ຊາວຫນຸ່ມຫວຽດນາມຢູ່ອາເມລິກາເຂົ້າຮ່ວມລາຍການ
ພາບ:thanhnien
|
(vovworld)- ແຕ່ວັນທີ 5-7/8, ສະມາຄົມຊາວຫນຸ່ມ - ນັກສຶກສາຫວຽດນາມ ຢູ່ ອາເມລິກາ ໄດ້ຈັດຕັ້ງເຫດການປະຈຳປີ ຄັ້ງທີ 4 ເພື່ອສ້າງຄວາມສະຫນິດຕິດພັນ ແລະ ອ່ວາຍຫນ້າເມືອຫາບ້ານເກີດເມືອງນອນ. ທ່ານ ຟ້າມກວາງວີງ, ເອກອັກຄະລັດຖະທູດຫວຽດນາມ ປະຈຳອາເມລິກາ ແລະ ທ່ານນາງ ຫງວຽນເຟືອງງາ, ຫົວຫນ້າຄະນະຜູ້ຕາງຫນ້າຫວຽດນາມ ປະຈຳ ສປຊ ໄດ້ເຂົ້າຮ່ວມເຫດການ ພ້ອມກັບຊາວຫນຸ່ມ, ນັກສຶກສາຫວຽດນາມ ກວ່າ 400 ຄົນ ມາຈາກສີບໆລັດຂອງ ອາເມລິກາ. ນີ້ແມ່ນເຫດການພົວພັນແລກປ່ຽນວັດທະນະທຳ, ວິທະຍາສາດ, ສິລະປະ, ກິລາ ທີ່ມີຂອບຂະຫນາດໃຫຍ່, ເປັນຂີດໝາຍ 3 ປີແຫ່ງວັນສ້າງຕັ້ງ ແລະ ພັດທະນາ ສະມາຄົມຊາວຫນຸ່ມ, ນັກສຶກສາຫວຽດນາມ ຢູ່ ອາເມລິກາ. ຈຸດເດັ່ນໃນເຫດການນີ້ ແມ່ນກອງປະຊຸມສຳມະນາ “ຂໍ້ລິເລີ່ມພັດທະນາຫວຽດນາມ”, ສຸມໃສ່ປຶກສາຫາລືຫລາຍບັນຫາກ່ຽວກັບເສດຖະກິດ, ວັດທະນະທຳ, ສັງຄົມພວມດຳເນີນຢູ່ ຫວຽດນາມ ແລະ ບັນດາບັນຫາຊື່ງຫວຽດນາມ ພວມປະເຊີນຫນ້າໃນກິດຈະການສ້າງສາ ແລະ ພັດທະນາປະເທດຊາດ.