(VOVWORLD) -ທ່ານ ຟ້າມກວາງຫ້ຽວ ຮອງລັດຖະມົນຕີ, ຫົວໜ້າຄະນະກຳມະການແຫ່ງລັດກ່ຽວກັບ ຊາວຫວຽດນາມ ອາໄສຢູ່ຕ່າງປະເທດ ໄດ້ສະແດງຄວາມຕື້ນຕັນໃຈ ແລະ ຄວາມເຄົາລົບນັບຖືຕໍ່ບັນດານ້ຳໃຈອັນດີງາມ, ການໜູນຊ່ວຍ, ຮ່ວມເດີນທາງ, ການແບ່ງປັນຂອງພໍ່ແມ່ປະຊາຊົນ ຊາວຫວຽດນາມ ອາໄສຢູ່ ສ.ເຊັກໂກ.
 ຊາວຫວຽດນາມ ອາໄສຢູ່ ສ.ເຊັກໂກ ສະໜັບສະໜູນ ກອງທຶນວັກຊິນກັນໂຄວິດ - 19 |
ຕອນເຊົ້າວັນທີ 11 ມິຖຸນາ, ຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ຫວຽດນາມ ໄດ້ຈັດພິທີຮັບເງິນອຸປະຖຳໂດຍປະຊາຄົມ ຊາວຫວຽດນາມ ອາໄສຢູ່ ສ.ເຊັກໂກ ອຸປະຖຳໃຫ້ແກ່ກອງທຶນວັກຊິນກັນໂຄວິດ - 19.
ທີ່ພິທີ, ພາຍຫຼັງໄດ້ຮັບເງິນຈຳນວນ 500 ລ້ານດົ່ງ ຈາກຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ ສ.ເຊັກໂກ, ທ່ານ ຟ້າມກວາງຫ້ຽວ ຮອງລັດຖະມົນຕີ, ຫົວໜ້າຄະນະກຳມະການແຫ່ງລັດກ່ຽວກັບ ຊາວຫວຽດນາມ ອາໄສຢູ່ຕ່າງປະເທດ ໄດ້ສະແດງຄວາມຕື້ນຕັນໃຈ ແລະ ຄວາມເຄົາລົບນັບຖືຕໍ່ບັນດານ້ຳໃຈອັນດີງາມ, ການໜູນຊ່ວຍ, ຮ່ວມເດີນທາງ, ການແບ່ງປັນຂອງພໍ່ແມ່ປະຊາຊົນ ຊາວຫວຽດນາມ ອາໄສຢູ່ ສ.ເຊັກໂກ. ທ່ານໃຫ້ຮູ້ວ່າ:
ໂດຍຕອບສະໜອງຕາມການຮຽກຮ້ອງຂອງ ແນວໂຮມປະເທດຊາດ, ລັດຖະບານ, ພໍ່ແມ່ປະຊາຊົນຊາວຫວຽດນາມ ຢູ່ທຸກແຖບຖິ່ນໃນທົ່ວໂລກ ໄດ້ມີບັນດາການກະທຳທີ່ແທດຈິງມຸ່ງໄປເຖິງ ບ້ານເກີດເມືອງນອນ. ພວກຂ້າພະເຈົ້າຮູ້ສຶກຕື້ນຕັນໃຈ ແລະ ຕີລາຄາສູງບັນດາການກະທຳອັນສູງສົ່ງ, ຮັກແພງຊຶ່ງກັນແລະກັນນັ້ນ.
ເນື່ອງໃນໂອກາດນີ້, ທ່ານຮອງລັດຖະມົນຕີ ຟ້າມກວາງຫ້ຽວ ກໍ່ໄດ້ສົ່ງຄວາມຂອບອົກຂອບໃຈ ໄປຍັງສູນກາງສະມາຄົມຊາວຫວຽດນາມ ອາໄສຢູ່ ເຊັກໂກ, ສະມາຄົມແມ່ຍິງ ຫວຽດນາມ ອາໄສຢູ່ ເຊັກໂກ ກ່ຽວກັບບັນດາການປະກອບສ່ວນສຳຄັນ ຕອບສະໜອງ, ສະໜັບສະໜູນບັນດາການເຄື່ອນໄຫວພາຍໃນປະເທດ ເວົ້າລວມ ແລະ ໜູນຊ່ວຍວຽກງານຂອງ ຄະນະກຳມະການເວົ້າສະເພາະ ໃນໄລຍະທີ່ຜ່ານມາ.