(vovworld) – ວັນທີ 20/05, ຢູ່ຮ່າໂນ້ຍ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ, ໄດ້ຈັດກອງປະຊຸມສະຫຼຸບ 10 ປີແຫ່ງການປະຕິບັດມະຕິເລກທີ 36 ຂອງກົມການເມືອງກ່ຽວກັບວຽງານທີ່ມີຕໍ່ຊາວຫວຽດນາມ ອາໄສຢູ່ຕ່າງປະເທດ. ກ່າວຄຳເຫັນຊີ້ນຳກອງປະຊຸມ, ທ່ານປະທານປະເທດ ເຈືອງເຕີນຊາງ ຢືນຢັນວ່າຊາວ ຫວຽດນາມ ອາໄສຢູ່ຕ່າງປະເທດແມ່ນພາກສ່ວນໜຶ່ງທີ່ບໍ່ອາດຕັດແຍກອອກໄດ້ ແລະ ແມ່ນແຫຼ່ງກຳລັງຂອງຊາດຫວຽດນາມ. ໃນໄລຍະ 10 ປີຜ່ານມາ, ປະຕິບັດມິຕະເລກທີ 36 ຂອງກົມການເມືອງ ແລະ ບັນດາແຜນນະໂຍບາຍ, ນະໂຍບາຍຂອງລັດ, ດ້ວຍຄວາມມານະພະຍາຍາມສູ້ຊົນຂອງຂະແໜງການທຸກຂັ້ນ, ວຽກງານຊາວຫວຽດນາມ ອາໄສຢູ່ຕ່າງປະເທດ ບັນລຸໄດ້ບັນດາໝາກຜົນທີ່ສຳຄັນ, ສ້າງພື້ນຖານຢ່າງໝັ້ນຄົງໃຫ້ໄລຍະຕໍ່ໄປ.
ທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ຊີ້ແຈ້ງວ່າ: ລັດຖະບານໄດ້ ແລະ ພວມມີບັນດາກົນໄກ, ນະໂຍບາຍທີ່ເໝາະສົມເພື່ອສົ່ງເສີມພໍ່ແມ່ປະຊາຊົນມຸ່ງໄປສູ່ບ້ານເກີດເມືອງນອນ ແລະ ປະເທດຊາດ.
“ຕ້ອງຖືແຫຼ່ງກຳລັງຂອງປະຊາຄົມເປັນສຳຄັນ, ລົບລ້າງທຸກຮົ້້ວກີດຂວາງລະຫວ່າງປະຊາຊົນພາຍໃນປະເທດ ແລະ ຊາວຫວຽດນາມ ອາໄສຢູ່ຕ່າງປະເທດໃນການສ້າງນະໂຍບາຍ; ສ້າງນິຕິກຳສະດວກກວ່າໃຫ້ພໍ່ແມ່ປະຊາຊົນກັບເມື່ອປະເທດເພື່ອລົງທຶນ, ດຳເນີນທຸລະກິດ ແລະ ອາໄສ; ສ້າງເງື່ອນໄຂສະດວກ ແລະ ສົ່ງເສີມຊາວຫວຽດນາມ ອາໄສຢູ່ຕ່າງປະເທດປະກອບສ່ວນໃຫ້ປະເທດຊາດ; ປະຕິບັດສຳເລັດບັນດາລະບອບນະໂຍບາຍພິເສດສຳລັບຊາວຫວຽດນາມ ອາໄສຢູ່ຕ່າງປະເທດທີ່ມີຄຸນງາມຄວາມດີຕໍ່ປະເທດຊາດ”.