(vovworld) – ມີຊາວ ຫວຽດນາມ ທຸກຊັ້ນຄົນປະມານ 1.000 ຄົນຢູ່ ຝຣັ່ງ ໄດ້ເຂົ້າຮ່ວມການເດີນຂະບວນສັນຕິພາບ ໃນວັນທີ 16/5 ຢູ່ສະໜາມຫຼວງ Trocaderp ຂອງນະຄອນຫຼວງ ປາຣີ, ປະເທດ ຝຣັ່ງ ເພື່ອຄັດຄ້ານການກະທຳຂອງ ຈີນ ຕັ້ງຮ້າຍເຈາະນ້ຳມັນໄຮຢາງ - 981 ໃນເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ.
ມີໜ້າໃນການເດີນຂະບວນ, ນອກຈາກພໍ່ແມ່ພີ່ນ້ອງຊາວ ຫວຽດນາມ ຍັງມີເພື່ອນ ຝຣັ່ງ ທີ່ໄດ້ຮຽງບ່າຮຽງໄຫຼ່ກັບ ຫວຽດນາມ ໃນສີບໆປີຜ່ານມາ ໃນການຕໍ່ສູ້ຍາດເອົາເອກະລາດແຫ່ງຊາດ. ທ່ານ Michel Strahiescu, ເຄີຍເປັນຜູ້ຂັບລົດໃຫ້ທ່ານນາງ ຫງວຽນທິບີ່ງ ໄລຍະຕໍ່ສູ້ທາງການທູດເຊັນສັນຍາ ປາຣີ, ໃຫ້ຮູ້ວ່າ:
“ຂ້າພະເຈົ້າສືບຕໍ່ສະໜັບສະໜູນ ຫວຽດນາມ ຍ້ອນວ່າສຳລັບຂ້າພະເຈົ້າ, ຫວຽດນາມ ແມ່ນປະເທດດີງາມ, ແມ່ນແບບຢ່າງຂອງທົ່ວໂລກກ່ຽວກັບຈິດໃຈຕໍ່ສູ້ເພື່ອເອກະລາດ, ເສລີພາບຂອງປະເທດຕົນ. ເຂດນ່ານທະເລ, ໝູ່ເກາະ ຮ່ວາງຊາ ຂຶ້ນກັບອະທິປະໄຕ ຜືນແຜ່ນດິນຂອງ ຫວຽດນາມ, ນັ້ນແມ່ນສິ່ງບໍ່ສາມາດຖົກຖຽງໄດ້. ຈີນ ບໍ່ມີສິດລ່ວງລ້ຳ, ບໍ່ມີສິດນຳຮ້ານເຈາະນ້ຳມັນຕັ້ງຢູ່ຫັ້ນ.”
ໃນຂະນະນັ້ນ, ປະຊາຄົມ ຊາວຫວຽດນາມ ຢູ່ ອາເມລິກາ ກໍ່ໄດ້ກະກຽມໃຫ້ບັນດາການເດີນຂະບວນ ແລະ ເກັບກຳລາຍເຊັນເພື່ອຝາກເຖິງລັດຖະບານ, ສະພາແຫ່ງຊາດ ອາເມລິກາ ແລະ ບັນດາອົງການສາກົນເພື່ອບັງຄັບໃຫ້ ຈີນ ຢຸດຕິການກະທຳຜິດນີ້. ທ່ານ David ຮຸຍໂຮ່, ປະທານສະມາຄົມນັກທຸລະກິດຊາວ ຫວຽດນາມ ປະຈຳ ອາເມລິກາ ເນັ້ນໜັກວ່າ:
“ຕາບໃດ ຈີນ ຍັງຕັ້ງຮ້ານເຈາະນ້ຳມັນຢູ່ຢູ່ເຂດນ່ານທະເລ ຫວຽດນາມ ນັ້ນ, ພວກຂ້າພະເຈົ້າຍັງຄົງແຫ່ຂະບວນປະທ້ວງ. ທຳອິດຈະແມ່ນປະຊາຄົມຊາວ ຫວຽດນາມ ເຂົ້າຮ່ວມ, ຫຼັງຈາກນັ້ນຈະດຶງດູດເພື່ອນມິດສາກົນເຂົ້າຮ່ວມ. ຫວັງວ່າ, ການແຫ່ຂະບວນປະທ້ວງແຕ່ລະເທື່ອຈະມີຫຼາຍປະເທດ ແລະ ຄົນເຂົ້າຮ່ວມຫຼາຍກ່ວາອີກ, ເພື່ອໃຫ້ທຸກຄົນ ແລະ ຈີນ ຮູ້ວ່າ ໂລກສະໜັບສະໜູນ ຫວຽດນາມ, ປາຊາຄົມບັນດາປະຊາຊາດໃນໂລກສະໜັບສະໜູນ ຫວຽດນາມ.”