ປະຊາຊົນຫວຽດນາມທຸກຊັ້ນຄົນກ່າວປະນາມການກະທຳທີ່ຜິດພາດຂອງຈີນຢູ່ທະເລຕາເວັນອອກ
(vovworld) –ວັນທີ 20/5, ຜູ້ແທນກ່ວາ 120 ຄົນຊື່ງແມ່ນຜູ້ມີຍົດຖາບັນດາສັກ, ຜູ້ມີອິດທິພົນຊື່ສຽງສູງໃນບັນດາຊົນເຜົ່າ, ສາສະໜາ, ບັນດາຜູ້ສົ່ງຄຸນວຸດທິ, ນັກປັນຍາຊົນທີ່ຕາງໜ້າໃຫ້ ຜູ້ມີຍົດຖາບັນດາສັກສາສະໜາ, ຊົນເຜົ່າ, ຜູ້ສົ່ງຄຸນວຸດທິ, ນັກປັນຍາຊົນແຂວງອານຢາງ ນັບພັນໆຄົນ ໄດ້ເຂົ້າຮ່ວມກອງປະຊຸມໂຄສະນາກ່ຽວກັບສະພາບການຢູ່ທະເລຕາເວັນ ອອກ, ຄັດຄ້ານເລື່ອງຈີນ ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍ ໃນເຂດເສດຖະກິດຈຳເພາະຂອງຫວຽດນາມ. ຜູ້ມີຍົດຖາບັນດາສັກສາສະໜາ, ຊົນເຜົ່າ, ບັນດາຜູ້ສົ່ງຄຸນວຸດທິ, ນັກປັນຍາຊົນມີຄວາມເຊື່ອໝັ້ນຕໍ່ການນຳພາຂອງພັກ, ລັດ; ຮຽກຮ້ອງປະຊາຊົນທຸກຊັ້ນຄົນຈົ່ງຕັ້ງໜ້າຕໍ່ສູ້ ກ່າວປະນາມການ ກະທຳທີ່ຜິດພາດຂອງຈີນ ແຕ່ຕ້ອງມີສະຕິສອ່ງໃສ, ບໍ່ໃຫ້ຄົນບໍ່ດີສວຍໂອກາດ, ກະຕຸກຊຸກຍູ້, ຍຸ້ແຍ່ແກ່ດຶງ; ຕ້ອງສາມັກຄີກັນເປັນຈິດໜຶ່ງໃຈດຽວເດັດດ່ຽວປົກປັກຮັກສາເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງຫວຽດນາມ. ສະມາພັນອາຊີບຫາປານິງທ້ວນ ໄດ້ຈັດງານຊຸມນຸມມິຕິງ, ຄັດຄ້ານເລື່ອງຈີນ ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍ ໃນເຂດເສດຖະກິດຈຳເພາະຂອງຫວຽດນາມ ຊື່ງໄດ້ດຶງດູດການເຂົ້າຮ່ວມຂອງສະມາຊິກ, ຊາວປະມົງ ແລະ ປະຊາຊົນນັບຮ້ອຍຄົນ.
ວັນທີ 20/5, ສະມາຄົມຊາວ ຫວຽດນາມ ຢູ່ ສ.ເຊັກ ໄດ້ອອກຖະແຫຼງການຄັດຄ້ານເລື່ອງ ຈີນ ຕັ້ງຮ້ານເຈາະນ້ຳມັນໄຮຢາງ - 981 ຜິດກົດໝາຍ ໃນເຂດເສດຖະກິດຜູກຂາດ ແລະ ເຂດໄຫຼ່ທະວີບຂອງ ຫວຽດນາມ. ຖະແຫຼງການຊີ້ແຈ້ງການເຄື່ອນໄຫວຂອງ ຈີນ ລະເມີດສິດອະທິປະໄຕ ແລະ ສິດອຳນາກສານສຳລັບບັນດາເຂດເສດຖະກິດຜູກຂາດ ແລະ ເຂດໄຫຼ່ທະວີບຂອງ ຫວຽດນາມ, ລະເມີດກົດໝາຍສາກົນ ແລະ ທຳນຽມສາກົນ, ໄປຝືນກັບຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ເຊິ່ງ ຈີນ ໄດ້ລົງນາມກັບບັນດາປະເທດ ອາຊຽນ. ການເຄື່ອນໄຫວນີ້ສົ່ງຜົນສະທ້ອນທີ່ບໍ່ດີເຖິງການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງ 2 ປະເທດ, ກໍ່ຄືສົ່ງຜົນສະທ້ອນເຖິງສະຖຽນລະພາບ ແລະ ເສລີພາບໃນການເດີນທະເລ.
ປະຊາຊົນ ຫວຽດນາມ ພວມດຳລົງຊີວິດ, ທຳມາຫາກິນ ຢູ່ ໂອຕຣິດ ນັບຮ້ອຍຄົນໄດ້ຈັດຕັ້ງງານໂຮມຊຸມນຸມມິດຕິງຢູ່ຕໍ່ໜ້າສະຖານທູດ ຈີນ ປະຈຳນະຄອນຫຼວງ ວຽນ, ຄັດຄ້ານການກະທຳຂອງ ຈີນ, ຮຽກຮ້ອງໃຫ້ ຈີນ ເຄົາລົບກົດໝາຍສາກົນ ແລະ ຖອນຮ້ານເຈາະນ້ຳມັນອອກຈາກເຂດເສດຖະກິດຜູກຂາດ ແລະ ເຂດໄຫຼ່ທະວີບຂອງຫວຽດນາມ ໂດຍໄວ.