ຊາວຫວຽດນາມຢູ່ສ.ເຊັກໂກສົ່ງຈົດໝາຍຄັດຄ້ານເຖິງເອກອັກຄະລັດຖະທູດຈີນ
ການແຫ່ຂະບວນປະທ້ວງຢູ່ຕໍ່ໜ້າສະຖານທູດ ຈີນ ປະຈຳ Praha
(ພາບ: Ngọc Mai/Vietnam+)
(vovworld) – ຕອນບ່າຍວັນທີ 29/4, ກ່ວາ 400 ຄົນເຊິ່ງແມ່ນຜູ້ຕາງໜ້າໃຫ້ປະຊາຄົມຊາວ ຫວຽດນາມ ຢູ່ ສ. ເຊັກໂກ ລວມມີ 65.000 ຄົນ ໄດ້ແຫ່ຂະບວນປະທ້ວງຕໍ່ໜ້າສະຖານທູດ ຈີນ ປະຈຳ Praha ເພື່ອສົ່ງຈົດໝາຍຄັດຄ້ານເລື່ອງ ຈີນ ຍູ້ແຮງການເຄື່ອນໄຫວດ້ານການທະຫານຢູ່ທະເລຕາເວັນອອກ.
ຈົດໝາຍຄັດຄ້ານມີ 5 ຂໍ້ສົ່ງເຖິງເອກອັກຄະລັດຖະທູດ ຈີນ ປະຈຳ ສ. ເຊັກໂກ, ຮຽກຮ້ອງໃຫ້ ຈີນ ຢຸດຕິບັນດາການບູລະນະເກາະທຽມ ແລະ ດຳເນີນການເຄື່ອນໄຫວດ້ານການທະຫານຢູ່ ທະເລຕາເວັນອອກ. ຈີນບໍ່ຄວນນາບຂູ່ບັນດາປະເທດບ້ານໃກ້ເຮືອນຄຽງ, ບໍ່ຄວນນາບຂູ່ປະຊາຊົນ ຫວຽດນາມ. ຈີນ ຖອນອອກຈາກບັນດາເກາະທີ່ຢຶດຄອງຢ່າງຜິດກົດໝາຍຢູ່ ຮ່ວາງຊາ ແລະ ເຈື່ອງຊາ. ຈີນ ຍົກເລີກການອ້າງເອົາສິດອະທິປະໄຕສຳລັບເສັ້ນລີ້ນງົວ 9 ຕອນ ແລະ ເຄົາລົບກົດໝາຍສາກົນກ່ຽວກັບທະເລ. ຈີນ ຕ້ອງເຄົາລົບອະທິປະໄຕ, ຜືນແຜ່ນດິນອັນຄົບຖ້ວນຂອງ ຫວຽດນາມ ແລະ ມີການປະພຶດຢ່າງມີຄວາມຮັບຜິດຊອບໃນການຮັບປະກັນສັນຕິພາບ, ສະຖຽນລະພາບໃນພາກພື້ນ. ທ່ານ ເຢືອງດິ່ງຕູ່ຍ, ຜູ້ຕາງໜ້າຄະນະຈັດຕັ້ງ, ໃຫ້ຮູ້ວ່າ:
“ໃນສານຂອງການແຫ່ຂະບວນປະທ້ວງ, ພວກເຮົາໄດ້ຊີ້ແຈ້ງວ່າ: ດ້ວຍມູນເຊື້ອຂອງຊາດ ຫວຽດນາມ ນັບແຕ່ເມື່ອສ້າງຕັ້ງປະເທດຊາດ, ນັ້ນແມ່ນ ຊາວ ຫວຽດນາມ ເຖິງວ່າດຳລົງຊີວິດຢູ່ບ່ອນໃດກໍ່ລ້ວນແຕ່ອວາຍໜ້າເມືອຫາປະເທດຊາດ. ຫວຽດນາມ ແມ່ນປະເທດມີເອກະລາດ, ອະທິປະໄຕ.”