ຊາວຫວຽດນາມສະແດງຄວາມເສົ້າສະຫລົດໃຈຢ່າງສຸດຊຶຶ້ງຕໍ່ການ ເຖິງແກ່ມໍລະນະກຳຂອງພົນເອກຫວໍ້ງວຽນຢາບ
ປຊຊຢືນຕໍ່ຫນ້າເຮືອນຢູ່ຂອງພົນເອກເພື່ອສະແດງຄວາມ
ເສົ້າສະຫລົດໃຈ, ໄຫວ້ອາໄລ
ພາບ:internet
|
(vovworld)- ໂດຍໄດ້ຮັບຂ່າວ ພົນເອກ ຫວໍ້ງວຽນຢາບ ໄດ້ເຖິງແກ່ມໍລະນະກຳ ໄດ້ເຮັດໃຫ້ປະຊາຊົນໃນທົ່ວປະເທດຫວຽດນາມຮູ້ສຶກເສົ້າສະຫລົດໃຈຢ້າງສຸດຊຶ້ງ. ປະຊາຊົນຫວຽດນາມທຸກຄົນລ້ວນແຕ່ສະແດງຄວາມເຄົາລົບນັບຖື, ຮັກແພງ ແລະ ເຄົາລົບນິຍົມພົນເອກ. ສາດສະດາຈານ, ນາຍຄູປະຊາຊົນ, ນັກປະຫວັດສາດ ຟານຮູຍເລ ຢືນຢັນ: ຊີວິດ, ພາລະກິດ, ຄວາມເກັ່ງກ້າສາມາດ ແລະ ຄຸນສົມບັດຂອງທ່ານພົນເອກ ຫວໍ້ງວຽນຢາບ ສົມກັບຄວາມເຊີດຊູຈາກປະຊາຊົນຫວຽດນາມວ່າ ແມ່ນພົນເອກຂອງປະຊາຊົນ.
“ສຳລັບຫວຽດນາມ ພົນເອກ ຫວໍ້ງວຽນຢາບ ແມ່ນັກການທະຫານທີ່ປີຊາສາມາດ, ແມ່ນວິລະຊົນຂອງຊາດ, ນັກວັດທະນະທຳ, ນັກປະຫວັດສາດໃຫຍ່ຂອງປະເທດຊາດ. ຊີວິດ ແລະ ພາລະກິດຂອງເພີ່ນແມ່ນຕິດພັນກັບປະຫວັດສາດ ແລະ ຝັງເລິກໃນດວງໃຈຂອງປະຊາຊົນຕະຫລອດການ.”
ຢູ່ເຮືອນເລກທີ 30 ຖະຫນົນຮ່ວາງຢ້ຽວ ຮ່າໂນ້ຍ, ຊື່ງແມ່ນຫລັງເຮືອນທີ່ພົນເອກ ຫວໍ້ງວຽນຢາບ ແລະ ຄອບຄົວດຳລົງຊີວິດກວ່າເຄິ່ງສັດຕະວັດ, ປະຊາຊົນຫວຽດນາມຫລາຍຄົນໄດ້ມານີ້ເພື່ອສະແດງຄວາມຮູ້ບຸນຄຸນ ແລະໄຫວ້ອາໄລສະແດງຄວາມເສົ້າສະຫລົດໃຈຕໍ່ການເຖິງແກ່ມໍລະນະກຳຂອງທ່ານພົນເອກ ຫວໍ້ງວຽນຢາບ.
ພາບ:thethaovanhoa.vn
|