ທ່ານເລກວກວີ, ຊາວຫວຽດນາມ ອາໄສຢູ່ໄທ
(ພາບ: vov)
(vovworld)- ເມື່ອໄດ້ຮັບຂ່າວທ່ານພົນເອກຫວໍ້ງວຽນຢາບ ເຖິງແກ່ມໍລະນະກຳ, ຊາວຫວຽດນາມ ອາໄສຢູ່ຕ່າງປະເທດກໍ່ສະແດງຄວາມໂສກເສົ້າເສຍດາຍຕໍ່ການສູນເສຍອັນໃຫ່ຍຫຼວງຂອງຊາດຫວຽດນາມ. ຫຼາຍຄົນໄດ້ກັບເມືອປະເທດເພື່ອໄຫ້ວອາໄລທ່ານພົນເອກຫວໍ້ງວຽນຢາບ ໃນວັນຈັດພິທີຊາປະນະກິດສົບລະດັບຊາດນີ້. ທ່ານ ເລກວກວີ, ເລຂານຸການໃຫ່ຍຊາວຫວຽດນາມ ອາໄສຢູ່ແຂວງອຸບົນຣັດຈະທານີ-ລາຊະອານາຈັກໄທ ໃຫ້ຮູ້ວ່າ: ໃນຊຸມມື້ນີ້, ປະຊາຄົມຊາວຫວຽດນາມ ອາໄສຢູ່ໄທ ໄດ້ຈັດການເຄື່ອນໄຫວຕ່າງໆເພື່ອຕອບບຸນແທນຄຸນທ່ານພົນເອກຫວໍ້ງວຽນຢາບ-ນັກວິລະຊົນຂອງຊາດ. ທ່ານເລກວກວີແບ່ງປັນວ່າ:
“ເມື່ອໄດ້ຮັບຂ່າວທ່ານພົນເອກຫວໍ້ງວຽນຢາບ ເຖິງແກ່ມໍລະນະກຳ, ຂ້າພະເຈົ້າກໍ່ຄືຊາວຫວຽດນາມ ອາໄສຢູ່ຕ່າງປະເທດ, ໂດຍສະເພາະແມ່ນຢູ່ແຂວງອຸບົນຣັດຈະທານີ ມີຄວາມໂສກເສົ້າເສຍດາຍທີ່ສຸດ. ປຊຊ ໄດ້ຈັດພິທີພາວະນາໃຫ້ລຸງ ແລະ ຈັດການເລົ່າເລື່ອງກ່ຽວກັບບັນດາຜົນງານຂອງລຸງ“.
ປ້າຟ້າມທິບິກແຮ້ງ ຊາວຫວຽດນາມ ອາໄສຢູ່ເຢຍລະມັນ ເວົ້າວ່າ:
“ເມື່ອໄດ້ຮັບຂ່າວທ່ານພົນເອກເຖິງແກ່ມໍລະນະກຳ, ຂ້າພະເຈົ້າມີຄວາມຕົກສະເງີ້ທີ່ສຸດ. ເຖິງວ່າໄດ້ຮູ້ວ່າທ່ານມີອາຍຸກສູງແລ້ວກໍ່ຕາມ ແຕ່ນີ້ກໍ່ແມ່ນຄວາມສູນເສຍອັນໃຫ່ຍຫຼວງທີ່ສຸດ, ປະເທດຊາດຖືກສູນເສຍນັກວິລະຊົນຜູ້ໜຶ່ງ, ນາຍພົນຜູ້ມີຊື່ສຽງຊື່ງໃນທົ່ວໂລກ
ທ່ານພົນເອກຫວໍ້ງວຽນຢາບ ໄດ້ກາຍເປັນສັນຍາລັກແຫ່ງໄຊຊະນະໃນດວງໃຈຂອງ ປຊຊ ທຸກຄົນທັງຢູ່ພາຍໃນ ແລະ ຕ່າງປະເທດ.
ຊາວໜຸ່ມອາສາສະໝັກນະຄອນຫຼວງຮ່າໂນ້ຍຮັບໃຊ້ພິທີຊາປະນະກິດສົບລະດັບຊາດທ່ານພົນເອກຫວໍ້ງວຽນຢາບ
ຊາວໜຸ່ມອາສາສະໝັກຮັບໃຊ້ພິທີຊາປະນະກິດສົບ
(ພາບ: vov)
(vovworld)- ໃນ 2 ວັນຈັດພິທີຊາປະນະກິດສົບລະດັບຊາດທ່ານພົນເອກຫວໍ້ງວຽນຢາບ, ຄະນະຊາວໜຸ່ມນະຄອນຫຼວງຮ່າໂນ້ຍ ໄດ້ລະດົມຊາວໜຸ່ມອາສາສະໝັກເກືອບ 6000 ຄົນເຂົ້າຮ່ວມບັນດາການເຄື່ອນໄຫວຮັບໃຊ້ພິທີຊາປະນະກິດສົບລະດັບຊາດທ່ານພົນເອກຫວໍ້ງວຽນຢາບ. ບັນດານັກອາສາສະໝັກນີ້ເຂົ້າຮ່ວມປະຕິບັດໜ້າທີ່ຕ່າງໆຄື: ຮັບໃຊ້, ແນະນຳ ປຊຊ ເຂົ້າໄຫ້ວອາໄລທ່ານພົນເອກຢູ່ຫໍຈັດພິທີຊາປະນະກິດສົບແຫ່ງຊາດ (ເຮືອນເລກທີ 5 ຖະໜົນເຈິນແທງຕົງ-ຮ່າໂນ້ຍ); ສົມທົບກັບບັນດາຄະນະ, ຂະແໜງການ, ໝູ່ຄະນະ, ຮັບປະກັນຄວາມສະຫງົບປອດໄພ…ຄະນະຊາວໜຸ່ມນະຄອນຫຼວງຮ່າໂນ້ຍ ຍັງຈັດກຳລັງ ຊາວໜຸ່ມອາສາສະໝັກຍາມ ແລະ ໜູນຊ່ວຍບັນດາອົງການມີໜ້າທີ່ຮັບຜິດຊອບແນະນຳ, ຮັບປະກັນທາງຄົມະນາຄົມຢູ່ບັນດາສະຖານທີ່ຈຸດສຸມ…