ຊາວຫວຽດນາມອາໄສຢູ່ ຕ່າງປະເທດອວາຍໜ້າ ສູ່ບ້ານເກີດເມືອງນອນ
(ພາບປະກອບ: Quý Trung/TTXVN))
(vovworld)- ຕອນບ່າຍວັນທີ 7/4, ຄະນະຜູ້ແທນຊາວຫວຽດນາມ ອາໄສຢູ່ 20 ປະເທດ ແລະ ເຂດແຄ້ວນໃນໂລກລວມ 70 ຄົນໄດ້ມີໜ້າຢູ່ນະຄອນຫຼວງຮ່າໂນ້ຍ ເພື່ອເຂົ້າຮ່ວມ “ລາຍການຄະນະຜູ້ແທນຊາວຫວຽດນາມ ອາໄສຢູ່ຕ່າງປະເທດເຂົ້າຮ່ວມພິທີໄຫ້ວບູຊາເຈົ້າຊີວິດຮຸ່ງ“ ປີ 2014. ລາຍການຈະດຳເນີນແຕ່ວັນທີ 7-14/4 ຊື່ງລວມມີບັນດາການເຄື່ອນໄຫວຕົ້ນຕໍ່ຄື: ຖະຫວາຍທູບທຽນຢູ່ວິຫານຮຸ່ງ, ຢ້ຽມຢາມບ້ານເກີດເມືອງນອນຂອງລຸງໂຮ່, ໄຫ້ວອາໄລຢູ່ສຸສານທ່ານພົນເອກຫວໍ້ງວຽນຢາບ, ຢ້ຽມຢາມຖ້ຳຟອງຍາ-ແກ້ບ່າງ….ທ່ານດຣ.ຫງວຽນແທງເຊີນ, ຮອງລັດຖະມົນຕີກະຊວງການຕ່າງປະເທດຫວຽດນາມ, ປະທານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດໃຫ້ຮູ້ວ່າ: ຄະນະຜູ້ແທນຊາວຫວຽດນາມ ອາໄສຢູ່ຕ່າງປະເທດ ກັບເມືອປະເທດເຂົ້າຮ່ວມພິທີໄຫ້ວບູຊາເຈົ້າຊີວິດຮຸ່ງ ແມ່ນການສະແດງໃຫ້ເຫັນຫຼັກສິນທຳ “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ“ ຂອງຊາດຫວຽດນາມ; ສະແດງໃຫ້ເຫັນຄວາມເອົາໃຈໃສ່ຂອງພັກ, ລັດຕໍ່ ຊາວຫວຽດນາມ ອາໄສຢູ່ຕ່າງປະເທດ, ຢັ້ງຢືນວ່າ: ປະຊາຄົມ ຊາວຫວຽດນາມ ອາໄສຢູ່ຕ່າງປະເທດແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກຊາດຫວຽດນາມ ໄດ້, ແມ່ນແຫຼ່ງກຳລັງ ແລະ ຂົວຕໍ່ກັບສາກົນທີ່ສຳຄັນຂອງປະເທດຊາດ. ເຫດການນີ້ຍັງສະແດງໃຫ້ເຫັນຄວາມເອົາໃຈໃສ່ຢ່າງເລິກເຊິ່ງຂອງຊາວຫວຽດນາມ ອາໄສຢູ່ຕ່າງປະເທດທີ່ມີຕໍ່ການພັດທະນາຂອງປະເທດຊາດ. ໃນໂອກາດນີ້, ຄະນະຜູ້ແທນຊາວຫວຽດນາມ ອາໄສຢູ່ຕ່າງປະເທດຈະໄປຢ້ຽມຢາມ, ມອບຂອງຂັວນໃຫ້ແກ່ພະນັກງານ, ນັກຮົບ ແລະ ປຊຊ ຢູ່ໝູ່ເກາະເຈື່ອງຊາ./.