(vovworld) - ຕອນຄ່ຳວັນທີ 22/10, ຢູ່ນະຄອນຫຼວງ Praha, ສ.ເຊັກໂກ, ມີຊາວຫວຽດນາມ ທີ່ພວມດຳລົງຊີວິດ, ຮ່ຳຮຽນ ແລະ ທຳມາຫາກິນຢູ່ສ.ເຊັກໂກ ເປັນຈຳນວນຫຼາຍ ໄດ້ເຂົ້າຮ່ວມລາຍການເພງເມດຕາຈິດ “ອ່ວາຍໜ້າເມືອຫາພາກກາງ” ສ້າງກອງທຶນສະໜັບສະໜູນປະຊາຊົນພາກກາງຖືກຜົນເສຍຫາຍ ຍ້ອນຖືກນ້ຳແກ່ງຢູ່ພາກກາງ ໄລຍະຜ່ານມາ. ທ່ານນາງ ຫງວຽນມິງຫງວຽດ, ຮອງປະທານສະມາຄົມວັນນະຄະດີສິລະປະຫວຽດນາມ ປະຈຳສ.ເຊັກໂກ, ສະມາຊິກຄະນະຈັດຕັ້ງໃຫ້ຮູ້ວ່າ.
“ນັບແຕ່ເມື່ອປຸກລະດົມມາຮອດປະຈຸບັນ ແມ່ນພຽງໃນເວລາ 2 – 3 ວັນເທົ່ານັ້ນ, ແຕ່ພໍ່ແມ່ປະຊາຊົນຜູ້ໃດກໍ່ຢາກປະກອບເງິນສ່ວນໃດສ່ວນໜຶ່ງເພື່ອມອບໃຫ້ປະຊາຊົນເຂດຖືກນ້ຳແກ່ງ. ຈາກຜູ້ທຸກຍາກ ແລະ ຜູ້ມີເງື່ອນໄຂລ້ວນແຕ່ປະກອບຄວາມສາມາດຂອງຕົນ. ພວກຂ້າພະເຈົ້າຫວັງວ່າ, ບັນດາການປະກອບສ່ວນອັນນ້ອຍໆນີ້ຈະຊ່ວຍຫຼຸດຜ່ອນຄວາມເຈັບປວດຂອງປະຊາຊົນພາກກາງ”.
ຕາມຄະນະຈັດຕັ້ງແລ້ວ, ນັບແຕ່ເມື່ອປຸກລະດົມມາຮອດປະຈຸບັນ, ລາຍການ “ອ່ວາຍໜ້າເມືອຫາພາກກາງ” ໄດ້ຂົນຂວາຍແຜ່ບໍລິຈາກຈຳນວນເງິນເກືອບ 600 ລ້ານດົ່ງ. ໃນເດືອນ 11 ຈະມາເຖິງ, ຄະນະຈັດຕັ້ງຈະກັບເມືອຫວຽດນາມ ເພື່ອມອບຂອງຂວັນນີ້ໃຫ້ປະຊາຊົນຖືກນ້ຳແກ່ງຢູ່ພາກກາງ.