ສະມາຄົມຊາວຫວຽດນາມ ອາໄສຢູ່ ແຂວງ ອຸດົມໄຊ
ພາບ:baotintuc.vn
|
(vovworld)- ວັນທີ 17/6, ສະມາຄົມຊາວຫວຽດນາມ ອາໄສຢູ່ ແຂວງ ອຸດົມໄຊ ພາກເຫນືອຂອງລາວ ໄດ້ຈັດຕັ້ງການແຜ່ບໍລິຈາກຈຳນວນເງິນເປັນ 100 ລ້ານດົ່ງ ເພື່ອສະຫນັບສະຫນູນທະຫານປ້ອງກັນທະເລ ແລະ ປະຊາຊົນຢູ່ເຂດທະເລໝູ່ເກາະຂອງຫວຽດນາມ. ທ່ານ ຟີວັນມາຍ, ປະທານສະມາຄົມຊາວຫວຽດນາມ ອາໄຊຢູ່ ແຂວງ ອຸດົມໄຊ ໃຫ້ຮູ້ວ່າ: ປະຊາຄົມຊາວຫວຽດນາມ ພວມດຳລົງຊີວິດ ແລະ ທຳມາຫາກິນຢູ່ ອຸດົມໄຊ ຍາມໃດກໍອວ່າຍຫນ້າເມືອຫາປະເທດຊາດ, ເປັນຕົ້ນໃນສະພາບ ຈີນ ຕັ້ງຮ້ານ ເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ. ປະຊາຄົມຊາວຫວຽດນາມ ອາໄສຢູ່ ແຂວງອຸດົມໄຊ ຄັດຄ້ານການກະທຳດັ່ງກ່າວຂອງຈີນ ແລະ ພ້ອມແລ້ວ ຈະເຮັດຈົນສຸດຄວາມສາມາດຂອງຕົນເພື່ອພ້ອມກັບປະຊາຊົນໃນທົ່ວປະເທດ ປົກປັກຮັກສາອະທິປະໄຕຂອງຫວຽດນາມ.
ກ່ຽວຂ້ອງເຖິງການສະຫນັບສະຫນູນຊາວປະມົງຢູ່ເຂດທະເລໝູ່ເກາະ, ໃນ ລາຍການ“ສາຍຈິດມິດໃຈ ຮ່ວາງຊາ ແລະ ເຈື່ອງຊາ, ຕອນບ່າຍວັນທີ 17/6, ສະຫະພັນແຮງງານ ນະຄອນ ດາຫນັງ ສົມທົບກັບສະມາຄົມຊາວກະສິກຳ ນະຄອນດາຫນັງ ຈັດຕັ້ງ ການພົບປະສັງສັນ, ມອບຂອງຂວັນ 223 ພູດ ໃຫ້ແກ່ເຈົ້າຂອງກຳປັ່ນ ແລະ ຊາວປະມົງນະຄອນດາຫນັງ ທີ່ໄດ້ສຳເລັດຫນ້າທີ່ ອອກໄກຝັ່ງຫາປາ ແລະ ປົກປັກຮັກສາເຂດ ທະເລໝູ່ເກາະຂອງບ້ານເກີດເມືອງນອນ.