ລາຍການສະແດງສີລະປະຢູ່ ຮ່າໂນ້ຍ
(ພາບ: Minh Đức - TTXVN)
(vovworld) - ຄຳ່ຄືນວັນທີ 30/1, ຊາວນະຄອນຫຼວງຮ່າໂນ້ຍຕ້ອນຮັບບຸນປີໃໝ່ປະຈຳຊາດ ດ້ວຍການຍິງບັ້ງໄຟດອກທີ່ມີສີຫຼາກຫຼາຍ ດ້ວຍຄວາມປາຖະໜາ, ປີໃໝ່ເຕັມໄປດ້ວຍຄວາມຜາສຸກ ແລະ ສຳເລັດຜົນ.
ໃນບັນຍາກາດຕ້ອນຮັບປີໃໝ່, ອ້າຍ ໂງງອກດຽນ, ຊາວເມືອງ ບາດິ່ງ, ຮ່າໂນ້ຍປາຖະໜາວ່າ:
“ຕາມມູນເຊື້ອຂອງຊາວຫວຽດນາມແລ້ວ, ຕ່າງກໍ່ປາຖະໜາຢາກມີອະນາໄມສົມບຸນ, ຄອບຄົວມີຄວາມຜາສຸກ ແລະ ໂຊກດີ. ປີໃໝ່ນີ້, ຂ້າພະເຈົ້າປາຖະໜາວ່າເສດຖະກິດຈະພັດທະນາກວ່າອີກ ເພື່ອໃຫ້ຊີວິດຂອງປະຊາຊົນຈະເລີນກວ່າເກົ່າ“.
ຢູ່ນະຄອນ ເຫວ໋ ທາງພາກກາງຫວຽດນາມ ໄດ້ຈັດຕັ້ງພິທີສົ່ງທ້າຍປີເກົ່າຕ້ອນຮັບປີໃໝ່ຢູ່ສະໜາມຫຼວງ ງໍ້ມົນ, ແຄມແມ່ນຳ້ ເຮືອງ, ດ້ວຍລາຍການສະແດງດົນຕີໃນພະລາດຊະວັງ ແລະ ຟ້ອນລຳທຳເພງ “ອວຍພອນພັກ, ອວຍພອນລະດູບານໃໝ່“, ອັນໄດ້ນຳມາເຊິ່ງບັນຍາກາດຟົດຟື້ນມ່ວນຊື່ນ.
ຢູ່ນະຄອນດ່ານັ້ງ, ກໍ່ຈັດຕັ້ງການເຄື່ອນໄຫວວັດທະນະທຳ ສິລະປະ 28 ຢ່າງ. ກົງກັບເວລາສົ່ງທ້າຍປີເກົ່າຕ້ອນຮັບປະໃໝ່, ທ້ອງຟ້າດ່ານັ້ງມີຄວາມຮຸ່ງເຮືອງເຫຼືອງເຫຼື້ອມກວ່າດ້ວຍການຍິງບັ້ງໄຟດອກກວ່າ 2000 ໜ່ວຍ ໃນເວລາ 15 ນາທີ, ອັນໄດ້ສ້າງບັນຍາກາດຄຶກຄື້ນໃນລະດູບານໃໝ່.
ໃນຂະນະນັ້ນ, ຢູ່ນະຄອນ ໂຮ່ຈີມິນ, ໄດ້ຍິງບັ້ງໄຟດອກຢູ່ 6 ສະຖານທີ່. ປ້າ ເຈິ່ນທິແທງຖູຍ, ຊາວເມືອງ 5, ຜູ້ຕ້ອນຮັບເວລາສົ່ງທ້າຍປີເກົ່າຕ້ອນຮັບປີໃໝ່ຢູ່ຖະໜົນດອກໄມ້ ຫງວຽນເຮ້, ເວົ້າວ່າ:
“ບຸນປີໃໝ໋ມີສະຖານທີ່ທ່ອງທ່ຽວຄືແນວນີ້ແມ່ນດີຫຼາຍ, ນັກທ່ອງທ່ຽວຕ່າງປະເທດກໍ່ຮູ້ສຶກມີຄວາມປະທັບໃຈຫຼາຍ. ກ້າວເຂົ້າສູ່ປີໃໝ່ຂ້າພະເຈົ້າປາຖະໜາວ່າ ທຸກຄົນລ້ວນແຕ່ມີຄວາມສະຫງົບສຸກ, ນະຄອນນັບມື້ນັບພັດທະນາກວ່າອີກ“.
ບັນດາແຂວງໃນເຂດພູດອຍທາງທິດຕາເວັນຕົກສ່ຽງເໜືອຄືແຂວງລາວກາຍ, ດ້ຽນບຽນ, ແລະ ລາຍເຈົາ ກໍ່ໄດ້ຕ້ອນຮັບບຸນປີໃໝ່ໃນຄວາມເບີກບານມ່ວນຊື່ນ. ພິເສດປີນີ້ຢູ່ແຂວງເຫຼົ່ານັ້ນໄດ້ຈັດຕັ້ງການຍິງບັ້ງໄຟດອກຢູ່ຫຼາຍແຫ່ງ, ດັ່ງນັ້ນປະຊາຊົນຊາວຊົນເຜົ່າກໍ່ໄດ້ຮັບຊົມບັ້ງໄຟດອກ.
ຢູ່ແຂວງກ່າເມົາ, ເຂດໃຕ້ສຸດຂອງຫວຽດນາມ ກໍ່ຈັດຕັ້ງການຍິງບັ້ງໄຟດອກຢູ່ເມືອງຕ່າງໆ ເພື່ອຮັບໃຊ້ປະຊາຊົນໃນແຂວງ ບົນຈິດໃຈສັງຄົມຮັບຜິດຊອບບໍ່ນຳໃຊ້ງົບປະມານຂອງລັດ. ດັ່ງນັ້ນ 8/9 ເມືອງ, ນະຄອນໃນແຂວງຈັດຕັ້ງການຍິງບັ້ງໄຟດອກ.