(vovworld) - ສະມາຄົມຊາວໜຸ່ມ, ນັກສຶກສາຫວຽດນາມ ອາໄສຢູ່ສ.ເຊັກໂກ ໄດ້ເພີ່ມທະວີຈັດຕັ້ງບັນດາການເຄື່ອນໄຫວປະຊາຄົມຢ່າງແທດຈິງ ເພື່ອຊ່ວຍໃຫ້ໄວໜຸ່ມຫວຽດນາມ ເຊື່ອມໂຍງເຂົ້າກັບປະເທດປະຈຳຖີ່ນຢ່າງເລິກເຊິ່ງກວ່າ, ຮັກສາສີສັນວັດທະນະທຳຂອງຊາດ, ພ້ອມທັງອວ່າຍໜ້າເມືອຫາບ້ານເກີດເມືອງນອນ, ປະເທດຊາດ. ນີ້ິແມ່ນໜຶ່ງໃນບັນດາການກຳນົດທິດຕົ້ນຕໍ່ເຊິ່ງສະມາຄົມຊາວໜຸ່ມ - ນັກສຶກສາຫວຽດນາມ ອາໄສຢູ່ສ.ເຊັກໂກ ໄດ້ຮັບການຮັບຮອງເອົາທີ່ກອງປະຊຸມໃຫຍ່ຄັ້ງທີ 6 ຂອງສະມາຄົມ ທີ່ໄດ້ດຳເນີນໃນວັນທີ 19/12, ຢູ່ນະຄອນຫຼວງ Praha. ທີ່ພິທີ, ທ່ານເອກອັກຄະລັດຖະທູດຫວຽດນາມ ປະຈຳສ.ເຊັກໂກ ເຈືອງແມ້ງເຊີນ, ເນັ້ນໜັກວ່າ.
“ສະຖານທູດ, ສະມາຄົມຊາວຫວຽດນາມ ແລະ ບັນດາອົງການຈັດຕັ້ງປາດຖະໜາຢາກສ້າງເງື່ອນໄຂສະດວກເພື່ອໃຫ້ໄວໜຸ່ມເຄື່ອນໄຫວ, ຍ້ອນເຂົາເຈົ້າແມ່ນອະນາຄົດຂອງປະຊາຄົມ ແລະ ໃນອະນາຄົດຈະສືບທອດການເຄື່ອນໄຫວຂອງບັນດາອົງການຈັດຕັ້ງໃນປະຊາຄົມ. ນີ້ກໍແມ່ນປັດໃຈເພື່ອໃຫ້ປະຊາຄົມຊາວຫວຽດນາມ ເຊື່ອມໂຍງເຂົ້າສັງຄົມເຊັກໂກ ຢ່າງເລິກເຊິ່ງ, ກວ້າງຂວາງກວ່າ, ຊ່ວຍໃຫ້ຊາວໜຸ່ມ, ນັກສຶກສາຫວຽດນາມ ອວ່າຍໜ້າເມືອຫາບ້ານເກີດເມືອງນອນ”.