(vovworld) - ວັນທີ 24/8, ໃນຂອບເຂດກອງປະຊຸມ ”ການພົວພັນມິດຕະພາບສະພາແຫ່ງຊາດຫວຽດນາມ - ກຳປູເຈຍ” ຢູ່ນະຄອນ ໂຮ່ຈີມິນນັ້ນ, ສູນກາງຊາວໜຸ່ມກອມມູນິດ ໂຮ່ຈີມິນ ແລະ ສະມາຄົມຊາວໜຸ່ມກຳປູເຈຍ ໄດ້ຈັດຕັ້ງງານໂອ້ລົມສົນທະນາທີ່ມີຫົວຂໍ້ວ່າ: ”ຊາວໜຸ່ມຫວຽດນາມ - ກຳປູເຈຍຮ່ວມມືຄູນສ້າງນ້ຳໃຈມິດຕະພາບ ເພື່ອສັນຕິພາບ ການຮ່ວມມື ແລະ ພັດທະນາ”. ເຂົ້າຮ່ວມການໂອ້ລົມສົນທະນາ, ມີຊາວໜຸ່ມທີ່ດີເດັ່ນຫວຽດນາມ, ກຳປູເຈຍ 500 ກວ່າຄົນ ໄດ້ແລກປ່ຽນ, ແບ່ງປັນອາລົມຈິດອັນດີງາມຂອງປະຊາຊົນສອງປະເທດເວົ້າລວມ ແລະ ຊາວໜຸ່ມສອງປະເທດເວົ້າສະເພາະໃນອະນາຄົດ ກໍ່ຄືໃນປະຈຸບັນ. ຄະນະຊາວໜຸ່ມສອງປະເທດຫວຽດນາມ - ກຳປູເຈຍຢືນຢັນຈະສືບຕໍ່ຍູ້ແຮງການໂຄສະນາ, ສຶກສາຊາວໜຸ່ມສອງປະເທດກ່ຽວກັບມູນເຊື້ອການຮ່ວມມືຢ່າງຮອບດ້ານ, ມິດຕະພາບລະຫວ່າງສອງປະເທດຫວຽດນາມ - ກຳປູເຈຍ, ເພີ່ມທະວີການຮ່ວມມື, ພົວພັນແລກປ່ຽນລະຫວ່າງສອງຝ່າຍ ດ້ວຍການເຄື່ອນໄຫວທີ່ອຸດົມສົມບຸນຫຼາຍຢ່າງລະຫວ່າງຊາວໜຸ່ມສອງປະເທດ, ແນໃສ່ຊຸກຍູ້ການພົວພັນລະຫວ່າງຊາວໜຸ່ມສອງປະເທດໃຫ້ພັດທະນາຂຶ້ນສູ່ລະດັບສູງໃໝ່, ຕາມທິດນຳທີ່ວ່າ ”ບ້ານໄກ້ເຮືອນຄຽງທີ່ດີ, ມິດຕະພາບທີ່ເປັນມູນເຊື້ອ, ຮ່ວມມືຢ່າງຮອບດ້ານ, ໝັ້ນຄົງ, ຍາວນາມ” ເຊິ່ງການນຳຂັ້ນສູງສອງປະເທດໄດ້ວາງອອກ.